💥BIG BREAKING💥 शिक्षकांवर आता प्रशिक्षणाचे बंधन; सरकारी निर्णयाचा धडाका!

मुंबई :-शालेय शिक्षणाचा दर्जा सुधारण्यासाठी सरकारने आता कंबर कसली असून एक मोठा आणि ऐतिहासिक निर्णय घेतला आहे. राष्ट्रीय शिक्षण धोरण २०२० अंतर्गत, आता राज्यातील इयत्ता १ ली ते १२ वीच्या सर्व शिक्षकांना दरवर्षी ५० तासांचे प्रशिक्षण घेणे अनिवार्य करण्यात आले आहे.

💠 काय आहे हा नवा नियम? 💠
👉 प्रशिक्षणाची सक्ती :-आता प्रत्येक शिक्षकाला वर्षाकाठी ५० तासांचे प्रशिक्षण पूर्ण करावेच लागणार आहे.
👉 प्रशिक्षणाचे स्वरूप :- या ५० तासांच्या प्रशिक्षणात ३० तास ऑफलाइन आणि २० तास ऑनलाइन प्रशिक्षणाचा समावेश असणार आहे.
👉 देखरेख आणि प्रमाणपत्र :-विद्या समीक्षा केंद्राद्वारे या संपूर्ण प्रक्रियेवर बारीक लक्ष ठेवले जाणार आहे. प्रशिक्षण यशस्वीरीत्या पूर्ण करणाऱ्या शिक्षकांना आता डिजिटल प्रमाणपत्र दिले जाणार आहे.
शिक्षकांच्या क्षमतेत वाढ व्हावी आणि विद्यार्थ्यांच्या शैक्षणिक दर्जाचा स्तर उंचावावा, या उद्देशाने सरकारने हा कठोर पवित्रा घेतला आहे. आता या निर्णयाची अंमलबजावणी कशी होते, हे पाहणे महत्त्वाचे ठरेल.