मुंबई / नागपूर :- शासकीय सेवांमधील ‘छोटा बिंदू’ संवर्गातील रिक्त पदे तातडीने आणि सुरळीत भरण्याच्या दृष्टीने एक अत्यंत महत्त्वपूर्ण पाऊल उचलण्यात आले आहे. या संवर्गासाठी निश्चित करण्यात आलेल्या बिंदूनामावलीचे (रोस्टर) पुनर्विलोकन करून शासनाला योग्य व प्रभावी उपाययोजना सुचवण्यासाठी महाराष्ट्र राज्याच्या मुख्य सचिवांच्या अध्यक्षतेखाली एका उच्चस्तरीय समितीची बैठक नुकतीच पार पडली.
या महत्त्वपूर्ण बैठकीस आदरणीय आमदार प्रा. श्री. राजूभाऊ तोडसाम विशेषताह उपस्थित होते. त्यांच्या उपस्थितीमुळे या भागातील आणि संवर्गातील प्रलंबित प्रश्नांना अधिक बळकटी मिळाली आहे.
🙏 बैठकीची प्रमुख वैशिष्ट्ये 🙏
- बिंदूनामावलीचे पुनर्विलोकन :- शासकीय सेवेतील ‘छोटा बिंदू’ संवर्गाच्या पदभरतीत येणाऱ्या तांत्रिक अडचणी दूर करण्यासाठी विद्यमान बिंदूनामावलीची सखोल पुनर्तपासणी करण्यात आली.
- विस्तृत विचारविनिमय :- बैठकीदरम्यान छोटा बिंदूच्या अनुषंगाने निर्माण झालेल्या विविध कायदेशीर व प्रशासकीय मुद्द्यांवर सविस्तर चर्चा करण्यात आली.
- योग्य उपाययोजनांवर भर :- संबंधित विषयांवर सखोल विचारविनिमय करून शासनदरबारी योग्य त्या शिफारसी व उपाययोजना सादर करण्याबाबत सहमती दर्शवण्यात आली.
या बैठकीमुळे ‘छोटा बिंदू’ संवर्गातील पदभरतीचा मार्ग मोकळा होण्यास मोठी मदत होणार असून, लवकरच यासंदर्भात सकारात्मक निर्णय अपेक्षित आहे.
