🛑🙏 काँग्रेसच्या वारजूरकर कुटुंबाचा भाजपमध्ये प्रवेश; बंटीभाऊ भांगडिया यांच्या नेतृत्वावर विश्वास 🙏🛑

मुंबई : राज्याच्या राजकारणात महत्त्वाची घडामोड घडत काँग्रेसशी दीर्घकाळ संबंध असलेल्या वारजूरकर कुटुंबाने भारतीय जनता पक्षात प्रवेश केला आहे. माननीय कीर्तिकुमार उर्फ बंटीभाऊ भांगडिया यांच्या विकासाभिमुख धोरणांवर विश्वास व्यक्त करत काँग्रेसचे माजी आमदार डॉ. अविनाश वारजूरकर, चंद्रपूर जिल्हा परिषद माजी अध्यक्ष व महाराष्ट्र प्रदेश काँग्रेस कमेटीचे महासचिव डॉ. सतीश वारजूरकर, तसेच युथ काँग्रेस महाराष्ट्र प्रदेश महासचिव व शंकरपूरचे सरपंच साहिष सतीश वारजूरकर आणि पलाश अविनाश वारजूरकर यांनी अधिकृतपणे भाजपमध्ये प्रवेश केला.

मुंबईतील पक्ष कार्यालयात झालेल्या या सोहळ्यात भाजप प्रदेशाध्यक्ष रवींद्र चव्हाण यांच्या हस्ते वारजूरकर कुटुंबाचा पक्षप्रवेश पार पडला. यावेळी उपस्थित मान्यवरांनी त्यांचे भारतीय जनता पक्षात मनःपूर्वक स्वागत करत पुढील राजकीय वाटचालीसाठी शुभेच्छा दिल्या.

या प्रवेशामुळे चंद्रपूर जिल्ह्यासह विदर्भातील भाजप संघटनात्मक बळ अधिक मजबूत होईल, असा विश्वास पक्ष नेत्यांनी व्यक्त केला. वारजूरकर कुटुंबाचा राजकीय व सामाजिक प्रभाव लक्षात घेता आगामी काळात पक्षाच्या कामकाजाला नव्या गती मिळेल, असेही यावेळी सांगण्यात आले.

यावेळी माजी आमदार डॉ. नामदेव उसेंडी, जिल्हा बँक संचालक आवेश खान पठाण, संचालक गणेश तर्वेकर, विलास ईकार आणि सचिन आकुलवार यांचीही उपस्थिती होती.