मतदानातून लोकशाहीला बळ! आमदार करणदादा देवतळे यांनी सपत्नीक बजावला मतदानाचा हक्क

वरोऱ्यात पदवीधरांचा उत्स्फूर्त सहभाग लोकशाही अधिक बळकट करण्याचे आमदार करणदादा देवतळे यांचे  आवाहन.

वरोरा, दि. २३ ऑक्टोबर २०२६ (विशेष प्रतिनिधी): लोकशाहीच्या अत्यंत महत्त्वाच्या आणि पवित्र उत्सवात वरोरा – भद्रावती विधानसभेचे लोकप्रिय आमदार श्री. करणदादा संजयजी देवतळे व त्यांच्या धर्मपत्नी सौ. वेदांती करण देवतळे यांनी आज शुक्रवार, दि. २३ ऑक्टोबर २०२६ रोजी वरोरा येथील मतदान केंद्रावर पदवीधर निवडणुकीसाठी अत्यंत उत्साहात व शिस्तबद्ध वातावरणात मतदान करून आपला लोकशाही अधिकार बजावला.

लोकशाही व्यवस्थेत मतदान हा केवळ एक अधिकार नसून ते प्रत्येक सुजाण नागरिकाचे आद्य कर्तव्य आहे, हा महत्त्वपूर्ण संदेश आमदार करणभाऊ देवतळे यांनी आज प्रत्यक्ष मतदानातून दिला. मतदान केंद्रावर आगमन होताच स्थानिक नागरिक व कार्यकर्त्यांनी त्यांचे जल्लोषात स्वागत केले.

आमदार करणदादा संजयजी देवतळे यांचे आक्रमक आवाहन: “लोकशाही अधिक बळकट करण्यासाठी आणि सुशिक्षित व विकासाभिमुख नेतृत्वाला बळ देण्यासाठी प्रत्येक पात्र पदवीधर मतदाराने घराबाहेर पडून आपल्या मतदानाच्या हक्काचा अवश्य वापर केला पाहिजे. तुमचे एक-एक मत या मतदारसंघाच्या उज्ज्वल भविष्यासाठी आणि पदवीधरांच्या न्याय्य हक्कांसाठी अत्यंत मोलाचे आहे!”

यावेळी सौ. वेदांती करण देवतळे यांनी देखील सर्व महिला पदवीधर व युवा मतदारांना लोकशाहीच्या या उत्सवात पुढे येऊन १००% मतदान करण्याचे आवाहन केले. आमदार देवतळे दाम्पत्याने बजावलेल्या या हक्कामुळे परिसरातील मतदारांमध्ये प्रचंड उत्साह संचारला असून सकाळपासूनच मतदान केंद्रांवर मतदारांच्या लांबच लांब रांगा पाहायला मिळाल्या.

वरोरा पदवीधर मतदार संघ – बूथनिहाय मतदानाची आकडेवारी.

• शेगाव केंद्र :- एकूण १७६ पैकी १३० मतदान (७३.८६%)

वरोरा मतदारसंघातील बूथ क्र. ३६२, ३६३, ३६४ आणि ३६५ या चार प्रमुख केंद्रांवर एकूण २,७०३ नोंदणीकृत मतदारांपैकी तब्बल १,८३५ पदवीधरांनी (५९० महिला व १,२४५ पुरुष) आपला मतदानाचा हक्क बजावून ६७.८९% च्या घवघवीत मतदानाची नोंद केली.