चंद्रपूर (प्रतिनिधी): चंद्रपूर जिल्हा मध्यवर्ती सहकारी बँक मर्यादित, चंद्रपूर यांच्या वतीने सहकार क्षेत्राच्या विकासासाठी आपले संपूर्ण आयुष्य समर्पित करणाऱ्या सहकार महर्षी कै. ॲड. बाबासाहेब वासाडे यांच्या कार्याला अभिवादन करण्यासाठी भव्य ‘सहकार सप्ताह’ व सत्कार तथा कर्ज वितरण सोहळ्याचे आयोजन येत्या शनिवारी, दिनांक १९ सप्टेंबर २०२६ रोजी दुपारी १२:३० वाजता करण्यात आले आहे.
या विशेष सोहळ्यानिमित्त त्यांच्या अर्धांगिनी तथा जिल्हा परिषदेच्या माजी अध्यक्ष श्रीमती वैशालीताई बाबासाहेब वासाडे यांचा विशेष सन्मान सोहळा आणि कर्ज वितरण कार्यक्रम पार पडणार आहे. हा कार्यक्रम चंद्रपूर येथील मा.सा. कन्नमवार सभागृह, चंद्रपूर जिल्हा मध्यवर्ती सहकारी बँक, मुख्य कार्यालय येथे पार पडणार आहे.
मान्यवरांची विशेष उपस्थिती: या कार्यक्रमाचे अध्यक्षपद मा. खासदार श्रीमती प्रतिभाताई सुरेश धानोरकर (खासदार, चंद्रपूर-वणी-आर्णी लोकसभा क्षेत्र तथा बँकेच्या संचालिका) भूषवणार आहेत. कार्यक्रमाचे उद्घाटन मा. आमदार श्री. बंटीभाऊ उर्फ किर्तीकुमार भांगडिया (आमदार, चिमूर विधानसभा निर्वाचन क्षेत्र) यांच्या हस्ते होणार आहे.
कार्यक्रमास प्रमुख पाहुणे म्हणून मा. श्री. हंसराजजी अहिर (माजी अध्यक्ष, राष्ट्रीय मागासवर्गीय आयोग, भारत सरकार) उपस्थित राहणार असून, मा. आमदार श्री. सुधीर मुनगंटीवार (आमदार, मूल-बल्लारपूर) व मा. श्रीमती शोभाताई फडणवीस (माजी मंत्री, महाराष्ट्र राज्य) यांचे बहुमूल्य मार्गदर्शन लाभणार आहे.
तसेच विशेष अतिथी म्हणून मा. आमदार श्री. किशोर जोरगेवार (आमदार, चंद्रपूर विधानसभा), मा. आमदार श्री. करण देवतळे (आमदार, वरोरा विधानसभा), मा. आमदार श्री. देवराव भोंगळे (आमदार, राजुरा विधानसभा) आणि मा. श्री. सुधाकर अडबाले (विधानपरिषद सदस्य) उपस्थित राहणार आहेत. याशिवाय मा. श्री. जयसिंग के. ठाकूर (जिल्हा निबंधक, सहकारी संस्था चंद्रपूर), मा. श्री. अशोक जीवतोडे (विदर्भाचे ओ.बी.सी. नेते चंद्रपूर) व मा. श्री. चंद्रकांतभाऊ वासाडे (प्रसिद्ध उद्योजक) यांचीही विशेष उपस्थिती असणार आहे.
निम्रता / आपले विनीत: या कार्यक्रमाचे आयोजन चंद्रपूर जिल्हा मध्यवर्ती सहकारी बँकेचे अध्यक्ष मा. श्री. रविंद्र श्रीनिवासराव शिंदे, उपाध्यक्ष मा. श्री. संजय डोंगरे, मानद सचिव मा. श्री. अवेश खान पठान, मुख्य कार्यकारी अधिकारी (CEO) मा. श्री. राजेश्वर भि. कल्याणकर तसेच समस्त संचालक मंडळ, चां.जि.म.सह. बँक यांनी केले असून, परिसразील सर्व सभासद व मान्यवर नागरिकांनी या कार्यक्रमास मोठ्या संख्येने उपस्थित राहण्याचे आवाहन करण्यात आले आहे.
