चंद्रपूर :- आगामी गणेशोत्सवाच्या पार्श्वभूमीवर, चंद्रपूरचे नवनियुक्त पोलीस अधीक्षक आयुष नोपाणी यांनी थेट ‘ॲक्शन मोड’मध्ये येत कडक पवित्रा घेतला आहे. गणेशोत्सव शांततेत आणि शिस्तबद्ध पद्धतीने पार पाडण्यासाठी त्यांनी डीजेच्या वापरावर ‘पूर्ण बंदी’ची घोषणा केली आहे.
💠 काय म्हणाले पोलीस अधीक्षक 💠
उच्च न्यायालयाच्या आदेशांचे पालन करणे अनिवार्य असल्याचे स्पष्ट करत, पोलीस अधीक्षकांनी स्पष्ट केले की, गणेशोत्सवाच्या काळात डीजेवर कोणत्याही परिस्थितीत बंदी असेल. या आदेशाचे तंतोतंत पालन व्हावे, यासाठी पोलीस प्रशासन पूर्णपणे सतर्क आहे. कायदा व सुव्यवस्था राखण्यासाठी पोलीस मुख्यालय येथे आयोजित एका महत्त्वाच्या आढावा बैठकीत त्यांनी हे कठोर निर्देश दिले आहेत.
💠 बैठकीत काय झाले महत्त्वाचे निर्णय 💠
या बैठकीला पोलीस विभागाचे वरिष्ठ अधिकारी, मनपा आयुक्त, मूर्तिकार आणि गणेश मंडळांचे पदाधिकारी मोठ्या संख्येने उपस्थित होते. केवळ डीजेबंदीच नव्हे, तर खालील महत्त्वाचे मुद्देही या बैठकीत मांडण्यात आले:
💥 सीसीटीव्ही पाळत :- उत्सवाच्या काळात ठिकठिकाणी सीसीटीव्ही यंत्रणा उभारून सघन पाळत ठेवली जाणार आहे.
💥 पारंपारिक वाद्यांना प्रोत्साहन :- डीजेऐवजी पारंपारिक वाद्यांच्या वापराला विशेष प्रोत्साहन दिले जाणार आहे.
💥 आदर्श गणेश मंडळ स्पर्धा :- मंडळांमध्ये निरोगी स्पर्धा निर्माण व्हावी, यासाठी ‘आदर्श गणेश मंडळ स्पर्धा’ आयोजित करण्यात येणार आहे.
🙏पोलीस प्रशासनाचा स्पष्ट इशारा 🙏
पोलीस अधीक्षकांनी गणेश मंडळांना स्पष्ट बजावले आहे की, न्यायालयाच्या आदेशांचे उल्लंघन खपवून घेतले जाणार नाही. नियमांचे पालन करून उत्सवाचे पावित्र्य राखणे हे सर्वांचे कर्तव्य आहे. चंद्रपूर पोलिसांनी घेतलेल्या या आक्रमक भूमिकेमुळे आता गणेशोत्सव साध्या आणि पारंपरिक पद्धतीने साजरा होणार, हे स्पष्ट झाले आहे.
