वरोरा :- भांदेवाडा देवस्थान बस सेवेच्या घवघवीत यशानंतर, वरोरा येथील ‘जय जगन्नाथ बाबा सेवा समिती’ने भाविकांच्या मागणीचा आदर करत एक महत्त्वपूर्ण पाऊल उचलले आहे. दिनांक १७ जून २०२६ पासून वरोरा रेल्वे स्टेशन चौक ते आजनसरा देवस्थान अशी थेट बस सेवा सुरू करण्यात आली असून, या उपक्रमाचे सर्वत्र कौतुक होत आहे.
👉 दर बुधवारी मिळणार बस सुविधा
ही बस सेवा दर बुधवारी उपलब्ध राहणार आहे. प्रवासाचे वेळापत्रक खालीलप्रमाणे आहे:
👉 जाण्याची वेळ :- सकाळी ८:३० वाजता (रेल्वे स्टेशन चौक, वरोरा ते आजनसरा)
👉 परतीची वेळ :- दुपारी ४:०० वाजता (आजनसरा देवस्थान ते वरोरा)
💠 भव्य उद्घाटन सोहळा 💠
रेल्वे स्टेशन चौक येथे आयोजित एका भव्य कार्यक्रमात या बस सेवेला हिरवी झेंडी दाखवण्यात आली. वरोराच्या नगराध्यक्ष सौ. अर्चनाताई ठाकरे यांच्या हस्ते बसची पूजा करून या सेवेचा शुभारंभ करण्यात आला. यावेळी सौ. योगिता ताई नेरकर (उपाध्यक्ष), मनीष जेठानी (बांधकाम सभापती) यांच्यासह अनिल झोटिंग, गणराज भिवदरे, संतोष पवार, बंडू देऊळकर, राहुल देवडे, सौ. नलिनी आत्राम आणि वर्षाताई पिसाळ आदी नगरसेवक उपस्थित होते.
कार्यक्रमादरम्यान बस स्थानक अधिकारी सौ. उत्कर्षा चौधरी, बस चालक दिगंबर पाल आणि वाहक घनश्याम जांभुळे यांचा शाल व श्रीफळ देऊन विशेष सत्कार करण्यात आला. यानंतर उपस्थितांना महाप्रसाद व फराळाचे वाटप करून आनंदोत्सव साजरा करण्यात आला.
💠 समितीच्या प्रयत्नांचे कौतुक 💠
जय जगन्नाथ बाबा सेवा समितीच्या या सामाजिक कार्याचे शहरातील जनतेने भरभरून कौतुक केले आहे. या उपक्रमाच्या यशस्वितेसाठी हरीश केशवानी, प्रकाश पोहणे, विजय पानघाटे, सुरज केशवानी, ओम यादव, शेख जब्बार, प्रवीण धनवलकर, अमोल देऊळकर, मनोज गुप्ता, अमन शिवानी, अशोक पराते, सखाराम पाऊलकर, महादेवराव झाडे, अशोक घोडमारे, तसेच सौ. सावित्री ताई पानघाटे, सौ. पुष्पाताई आगलावे, सौ. कोकिळाताई बोढे, सोनी शिवानी व समितीच्या सर्व पदाधिकाऱ्यांनी विशेष परिश्रम घेतले.
