वरोरा :- अभिषेक किशोर भागडे
चंद्रपूर जिल्ह्याची सूत्रे हाती घेतलेले नवनिर्वाचित जिल्हा पोलीस अधीक्षक आयुष जी नोपाणी यांचा डॉ. ए. पी. जे. अब्दुल कलाम फाउंडेशनच्या वतीने भव्य नागरी सत्कार करण्यात आला. वरोरा शहराचे माजी आयपीएस अधिकारी (SDPO) म्हणून परिचित असलेले नोपाणी साहेब आता संपूर्ण जिल्ह्याची सुरक्षा सांभाळणार असल्याने नागरिकांमध्ये उत्साहाचे वातावरण आहे.
‼️ मिसाईल मॅनची प्रतिमा देऊन सन्मान ‼️
एका विशेष कार्यक्रमात आयुष नोपाणी यांचा शाल व पुष्पगुच्छ देऊन यथोचित सन्मान करण्यात आला. यावेळी फाउंडेशनतर्फे त्यांना भारताचे माजी राष्ट्रपती तथा ‘मिसाईल मॅन’ डॉ. ए. पी. जे. अब्दुल कलाम यांची प्रतिमा भेट म्हणून प्रदान करण्यात आली. तसेच जिल्ह्यातील त्यांच्या पुढील यशस्वी वाटचालीसाठी मिठाई देऊन शुभेच्छा देण्यात आल्या.
👉 कायद्याचे राज्य प्रस्थापित करण्यासाठी सविस्तर चर्चा या सत्कार प्रसंगी केवळ औपचारिकता न पाळता, जिल्ह्यातील सद्यस्थितीवरही महत्त्वपूर्ण चर्चा करण्यात आली. वाढत्या गुन्हेगारीवर नियंत्रण मिळवणे, शांतता व सुव्यवस्था अबाधित राखणे आणि अवैध धंद्यांचे समूळ उच्चाटन करणे या विषयांवर फाउंडेशनच्या पदाधिकाऱ्यांनी साहेबांचे लक्ष वेधले. साहेबांनी देखील यावर योग्य ती कठोर कारवाई करण्याचे आश्वासन दिले.
👉वरोरा येथील ‘सिंघम’ कार्यकाळाची आठवण
आयुष नोपाणी यांनी यापूर्वी वरोरा येथे पोलीस उपविभागीय अधिकारी (SDPO) म्हणून आपली छाप सोडली आहे. त्या काळात त्यांनी वरोरा-भद्रावती परिसरातील अवैध व्यवसायांवर धाडसी कारवाया करून गुन्हेगारांचे कंबरडे मोडले होते. त्यांच्या शिस्तबद्ध नियोजनामुळे गुन्हेगारीला मोठा आळा बसला होता. आता जिल्हा पोलीस अधीक्षक म्हणून त्यांच्या कार्यक्षमतेचा फायदा संपूर्ण चंद्रपूर जिल्ह्याला होईल, असा विश्वास व्यक्त केला जात आहे.
‼️ मान्यवरांची उपस्थिती ‼️
हा कार्यक्रम डॉ. ए. पी. जे. अब्दुल कलाम फाउंडेशनच्या वतीने आयोजित करण्यात आला होता. यावेळी खालील मान्यवर उपस्थित होते:
शेख जैरुद्दीन (छोटूभाई) माजी सभापती वरोरा तथा सदस्य, जिल्हा शांतता समिती चंद्रपूर.
👉 शब्बीरभाई शेख
👉 जावेदभाई अन्सारी
👉 आशिष कोरंटलावार व इतर सहकारी मित्र.
आयुष नोपाणी यांच्यासारख्या मनमिळाऊ पण तितक्याच कणखर अधिकाऱ्यामुळे चंद्रपूर जिल्हा गुन्हेगारीमुक्त होण्याच्या दिशेने पाऊल टाकेल, अशी भावना यावेळी उपस्थितांनी व्यक्त केली.
🙏 जय विदर्भ🙏
