🛑🙏 क्रांतीज्योती सावित्रीबाई फुले जयंती उत्साहात साजरी,वरोरात सामाजिक प्रबोधनाचा जागर 🙏🛑

क्रांतीज्योती सावित्रीबाई फुले जयंती उत्साहात साजरी; वरोऱ्यात सामाजिक प्रबोधनाचा जागर

वरोरा :- अभिषेक भागडे
स्त्री शिक्षणाची ज्योत पेटवणाऱ्या, सामाजिक अन्यायाविरुद्ध आयुष्यभर लढा देणाऱ्या क्रांतीज्योती सावित्रीबाई फुले यांची जयंती वरोरा तालुक्यात अत्यंत श्रद्धा, उत्साह आणि सामाजिक भान जपत साजरी करण्यात आली. वरोरा तालुका माळी समाज सेवा मंडळ, वरोरा यांच्या वतीने आयोजित या कार्यक्रमाला समाजातील विविध घटकांचा उत्स्फूर्त प्रतिसाद लाभला.

या कार्यक्रमाच्या अध्यक्षस्थानी मा. श्री. सुधीरभाऊ मुनघंटीवार, आमदार व माजी पालकमंत्री, चंद्रपूर जिल्हा हे उपस्थित होते. कार्यक्रमाचे उद्घाटन मा. आमदार श्री. करणदादा देवतळे (भद्रावती विधानसभा क्षेत्र) यांच्या हस्ते करण्यात येणार होते.

कार्यक्रमाला प्रमुख अतिथी म्हणून मा. श्रीमती प्रतिभाताई धानोरकर, खासदार, चंद्रपूर लोकसभा क्षेत्र तसेच मा. प्रा. सौ. जयश्रीताई सातोकर, जिल्हाध्यक्ष – सावित्री शक्ती पिठ, म. रा. भंडारा यांची विशेष उपस्थिती लाभणार होती.

यावेळी समाजातील नवनियुक्त नगराध्यक्षांचा सत्कार तसेच गुणवंत विद्यार्थ्यांचा सन्मान करण्यात येणार आहे. सावित्रीबाई फुले यांच्या विचारांचा जागर करत शिक्षण, समानता व सामाजिक न्याय या मूल्यांवर मार्गदर्शन करण्यात आले. उपस्थित मान्यवरांनी आपल्या भाषणातून सावित्रीबाईंचे कार्य आजच्या पिढीसाठी प्रेरणादायी असल्याचे प्रतिपादन केले.

सकाळी १०.०० वाजता आशीर्वाद  मंगल कार्यालय, वरोरा येथे संपन्न झालेल्या या कार्यक्रमाने सामाजिक एकोपा, बंधुता व प्रबोधनाचा संदेश दिला. कार्यक्रमाच्या यशस्वी आयोजनासाठी वरोरा तालुका माळी समाज सेवा मंडळाचे अध्यक्ष राजू ह. डोंगरे, सचिव प्रकाशराव बनकर, कोषाध्यक्ष विठ्ठलराव बोढे तसेच सर्व पदाधिकारी व कार्यकर्त्यांनी विशेष परिश्रम घेतले.

कार्यक्रमाच्या शेवटी क्रांतीज्योती सावित्रीबाई फुले जयंती व नववर्षाच्या सर्व समाजबांधवांना हार्दिक शुभेच्छा देण्यात आल्या.

-🙏🏼 जय विदर्भ🙏🏼-
बातमी व जाहिरातीसाठी संपर्क साधा.
☎️ 9673574711
☎️8329889732