वरोरा :- दिनांक 05/ 06 /2026 रोजी बोडखा (मो) येथे शेतकऱ्यांचे उत्पन्न वाढवण्यासाठी आणि शेतीमध्ये आधुनिक तंत्रज्ञानाचा वापर करून प्रगती साधण्यासाठी खांबाडा येथील ‘लभान सराड फार्मर प्रोड्युसर कंपनी लिमिटेड’ कटिबद्ध असल्याचे चित्र नुकत्याच पार पडलेल्या एका भव्य हळद उत्पादक शेतकरी चर्चासत्रातून दिसून आले. भारत सरकारच्या १०,००० एफ.पी.ओ. (FPO) निर्माण व संवर्धन योजनेअंतर्गत, नाबार्डच्या अर्थसाहाय्याने आयोजित या कार्यक्रमात उपस्थित मान्यवरांनी शेतकऱ्यांना मार्गदर्शनाचा खजिना खुला केला.
कार्यक्रमाची व्याप्ती आणि दिग्गज उपस्थिती
या महत्त्वपूर्ण चर्चासत्रात कृषी क्षेत्रातील अनेक उच्चपदस्थ अधिकारी आणि तज्ज्ञांनी उपस्थिती दर्शवून शेतकऱ्यांचा आत्मविश्वास वाढवला या उपक्रमाला प्रशासकीय आणि कृषी विभागाचा भक्कम पाठिंबा लाभला.
प्रमुख उपस्थिती :-
कार्यक्रमाला चंद्रपूर जिल्ह्याच्या जिल्हाधिकारी श्रीमती वसुमना पंत , जिल्हा अधीक्षक कृषी अधिकारी श्री शंकर तोटावार , प्रकल्प संचालक (आत्मा) श्री अरुण कुसळकर , नाबार्डचे डी.डी.एम. श्री तृणाल फुलझेले , कृषी उपसंचालक श्री चंद्रकांत ठाकरे , वरोराच्या उपविभागीय कृषी अधिकारी श्रीमती कविता हरीणखेडे , तहसीलदार श्री. कौटकर , तालुका कृषी अधिकारी श्री रवी राठोड , मंडळ कृषी अधिकारी .श्री घनश्याम पाटील व श्री. गजेंद्र पुसदेकर , उपकृषी अधिकारी श्री. आकाश गोखरे, आणि सहाय्यक कृषी अधिकारी श्री. सचिन ठोंबरे तसेच श्री. विशाल घागी (स. त. व्य.) यांची विशेष उपस्थिती होती.
शेतकरी बांधव आणि संयोजकांचा उत्स्फूर्त सहभाग
या कार्यक्रमाच्या यशस्वी आयोजनात लभान सराड फार्मर प्रोड्युसर कंपनीचे संचालक श्री मोरेश्वर राऊत यांच्यासह श्री उमेश तडस , श्री प्रकाश कामडी , श्री विठ्ठल कोसुरकर , श्री श्रावण घेंगारे , सरपंच,श्री नामदेव थाटे , पोलीस पाटील,श्री ऋषी तुरारे , श्री सचिन विडे , श्री गुळघाणे , श्री साहिल कामडी , श्री रुपेश तुरारे , श्री गोपाल घेंगारे , श्री गणेश चिडे आणि श्री तुळशीदास पेंदोर यांनी मोलाची भूमिका बजावली.
शेतकऱ्यांच्या प्रगतीचा संकल्प
या चर्चासत्रातून हळद उत्पादक शेतकऱ्यांना पीक व्यवस्थापन, बाजारपेठ उपलब्धता आणि एफ.पी.ओ. माध्यमातून मिळणाऱ्या संधी यावर सविस्तर मार्गदर्शन करण्यात आले. ‘लभान सराड फार्मर प्रोड्युसर कंपनी’ आता केवळ एक संस्था न राहता, खांबाडा आणि परिसरातील शेतकऱ्यांच्या आर्थिक उन्नतीचा एक भक्कम आधारस्तंभ बनत असल्याचे या कार्यक्रमावरून सिद्ध झाले आहे. कृषी विभागाचे अधिकारी आणि शेतकरी यांच्यातील या संवादामुळे वरोरा तालुक्यात आगामी काळात शेती व्यवसायात एक मोठी क्रांती अपेक्षित आहे.
