🛑🙏 नागपूर नंतर विदर्भात औद्योगिक क्रांतीचा नवा अध्याय, विसापूर आयसी आयसी (ESIC ) रुग्णालय उभारणीला हिरवा कंदील **🙏🛑

**नागपूरनंतर विदर्भात औद्योगिक क्रांतीचा नवा अध्याय!
विसापूर येथे भव्य आयसीआयसी (ESIC) रुग्णालय उभारणीला हिरवा कंदील**
विसापूर : अभिषेक भागडे

नागपूरनंतर आता विदर्भातील कामगारांसाठी दिलासादायक आणि ऐतिहासिक निर्णय घेण्यात आला असून, विसापूर येथे भव्य ईएसआयसी (ESIC) रुग्णालय उभारण्यास मुख्यमंत्री देवेंद्र फडणवीस यांनी तत्वतः मान्यता दिली आहे. या निर्णयामुळे विदर्भातील हजारो औद्योगिक कामगार व त्यांच्या कुटुंबीयांना दर्जेदार आरोग्यसेवेचा मोठा आधार मिळणार आहे.
विसापूर औद्योगिक क्षेत्रातील पॉवर हाऊसजवळील सुमारे ५ एकर जागेवर हे अत्याधुनिक रुग्णालय उभारण्यात येणार असून, यासाठी आमदार सुधीर मुनगंटीवार यांनी सातत्याने पाठपुरावा केला होता. त्यांच्या प्रस्तावाला मुख्यमंत्री देवेंद्र फडणवीस यांनी हिरवा झेंडा दाखवत तात्काळ कार्यवाहीचे निर्देश दिले.
या रुग्णालयामुळे नागपूरपर्यंत उपचारासाठी जाण्याची कामगारांची अडचण दूर होणार असून, स्थानिक पातळीवरच आधुनिक वैद्यकीय सुविधा, तज्ज्ञ डॉक्टर, अत्याधुनिक यंत्रसामग्री व दर्जेदार उपचार उपलब्ध होणार आहेत. याचा थेट फायदा चंद्रपूर, विसापूर व आजूबाजूच्या औद्योगिक पट्ट्यातील हजारो कामगारांना होणार आहे.
विशेष म्हणजे, या प्रकल्पामुळे विदर्भातील औद्योगिक विकासाला नवी गती मिळणार असून, रोजगारनिर्मिती, आरोग्यसुरक्षा आणि सामाजिक स्थैर्याला बळकटी मिळणार आहे. महिलांसाठी स्वतंत्र उपचार सुविधा, आपत्कालीन सेवा, प्रसूती विभाग तसेच आधुनिक तपासणी यंत्रणा यांचा समावेश या रुग्णालयात करण्यात येणार आहे.
मुख्यमंत्री देवेंद्र फडणवीस यांनी स्पष्ट केले की,
“विदर्भाचा समतोल विकास, कामगारांचे आरोग्य आणि औद्योगिक सुरक्षितता हे आमचे प्राधान्य आहे. विसापूर येथील ईएसआयसी रुग्णालय हा त्या दिशेने टाकलेला महत्त्वाचा टप्पा आहे.”
या ऐतिहासिक निर्णयामुळे विदर्भातील कामगार वर्गात आनंदाचे वातावरण असून, हा प्रकल्प विदर्भासाठी आरोग्य व औद्योगिक विकासाचा मैलाचा दगड ठरणार असल्याची भावना नागरिकांतून व्यक्त होत आहे.
✍️ स्वतंत्र विदर्भ न्यूज पोर्टल, वरोरा
🙏 जय विदर्भ🙏
बातमी आणि जाहिरातीसाठी संपर्क साधा. ☎️ 9673574711 ☎️8329889732