वरोरा :- अभिषेक किशोर भागडे
एखाद्या कलाकारावर प्रेम करणे म्हणजे काय असते? केवळ गाणी ऐकणे किंवा फोटो शेअर करणे म्हणजे फॅन असणे नव्हे, तर त्या कलाकाराच्या विचारांशी आणि कुटुंबाशी मनाने जोडले जाणे म्हणजे खरा चाहता. याचेच एक जिवंत उदाहरण आज विदर्भातील चंद्रपूर जिल्ह्यातील वरोरा येथे पाहायला मिळते.
“विक्रांत सुभाष मोहितकर ” नावाचा हा तरुण सिद्धू मूसेवालाचा असा एक निस्सीम चाहता आहे, ज्याचे प्रेम या जगातून निघून गेलेल्या आपल्या लाडक्या कलाकाराप्रती आजही तितकेच जिवंत आहे.
ऑगस्ट २०१७ त्यांचे ते पहिले गाणं …..
१० ऑगस्ट २०१७ रोजी सिद्धू मूसेवालाचे ‘So High’ हे गाणे प्रदर्शित झाले आणि त्याच क्षणी विक्रांत मोहितकर या तरुणाच्या मनात सिद्धू मूसेवाला यांच्या कलेची मोहिनी पडली. तेव्हापासून विक्रांत केवळ एक चाहता राहिला नाही, तर तो मूसेवाला परिवाराचा एक अविभाज्य भाग बनला.
👉 दोनदा घेतली मूसेवाला यांच्या गावी भेट
विक्रांतचे सिद्धू मूसेवाला यांच्यावरील प्रेम इतके उत्कट आहे की, तो स्वतः पंजाबमधील त्यांच्या घरी दोनदा जाऊन आला आहे. विशेष म्हणजे, दुसऱ्यांदा जेव्हा तो मूसेवालांच्या घरी पोहोचला, तेव्हा स्वतः मूसेवालांच्या कुटुंबीयांनी विक्रांतच्या निष्ठेचे कौतुक करत त्याला प्रेमाने बोलावले होते.
👉 आजही कायम आहे नातं
दुर्दैवाने आज सिद्धू मूसेवाला आपल्यात नसले तरी, विक्रांतचे त्या परिवारावरचे प्रेम कमी झालेले नाही. आजही तो सिद्धू मूसेवालांच्या गावी जाऊन त्यांच्या आई-वडिलांची आणि लहान भावाची आत्मीयतेने भेट घेतो. एका कलाकाराच्या निधनानंतरही त्याच्या कुटुंबाला मानसिक आधार देणारा असा चाहता मिळणे, ही त्या कलाकाराच्या पुण्याईचीच पावती आहे.
👉 कलाकाराला अशा चाहत्यांचीच गरज
एका बाजूला सोशल मीडियाच्या युगात हजारो फॉलोअर्स असतात, पण दुसऱ्या बाजूला विक्रांतसारखा चाहता, जो कलेच्या पलीकडे जाऊन माणुसकीचे नाते जपत असतो, हे आजच्या काळातील एक मोठे ज्वलंत उदाहरण आहे. एखाद्या कलाकाराला आपल्या कामाच्या बदल्यात प्रेक्षकांकडून जे प्रेम मिळते, ते अशा चाहत्यांमुळेच अधिक अर्थपूर्ण ठरते.
वरोरा येथील विक्रांत मोहितकर याच्या या आगळ्या-वेगळ्या निष्ठावान प्रेमाला आणि सिद्धू मूसेवाला यांच्या प्रति असलेल्या त्याच्या निस्सीम भावनेला ‘स्वतंत्र विदर्भ न्यूज पोर्टल, वरोरा’ परिवाराचा मानाचा मुजरा.
* स्वतंत्र विदर्भ न्यूज पोर्टल, वरोरा.*
🙏 जय विदर्भ 🙏
