🛑🙏 पत्रकार दिनी निमित्त निर्भड पत्रकारितेत उतरायचे आव्हान 🙏🛑

✍️ भाषेचा दर्जा घसरतोय… पत्रकारितेची विश्वासार्हता धोक्यात! – प्राचार्य डॉ. मृणाल काळें

📢 पत्रकार दिनी विद्यार्थ्यांना निर्भीड पत्रकारितेत उतरायचे आवाहन

वरोरा : प्रतिनिधी -मो.शफी मो.अकबर शेख

आजच्या माध्यमविश्वात वेगाच्या नादात भाषा, आशय आणि जबाबदारी यांचा बळी जात असल्याची खळबळजनक वस्तुस्थिती समोर येत असून, यामुळेच पत्रकारितेची विश्वासार्हता गंभीर संकटात सापडल्याचा थेट, परखड आणि निर्भीड इशारा आनंद निकेतन महाविद्यालयाचे प्राचार्य डॉ. मृणाल काळे यांनी दिला.

पत्रकार सुरक्षा समिती, महाराष्ट्र शाखा वरोरा यांच्या वतीने आयोजित पत्रकार दिन सोहळ्यात ते प्रमुख पाहुणे म्हणून बोलत होते. कार्यक्रमाच्या अध्यक्षस्थानी पत्रकार सुरक्षा समितीचे चंद्रपूर जिल्हाध्यक्ष राजेंद्र मर्दाने होते.

🖋️ “भाषा म्हणजे पत्रकारितेचा आत्मा… पण आज तोच आत्मा गुदमरतोय!”

डॉ. काळे म्हणाले,

> “भाषा ही पत्रकारितेची ओळख आहे. मात्र आज अनेक बातम्यांमध्ये शब्दसंपदेचा अभाव, व्याकरणदोष, तुटक-तुटक मथळे आणि गोंधळलेला आशय दिसतो. यामुळे वाचकांमध्ये संभ्रम निर्माण होतो आणि पत्रकारितेचे सामाजिक दायित्व कमकुवत होते.”

भाषेचा दर्जा घसरला, तर पत्रकारितेचा विश्वास ढासळतो, आणि तोच विश्वास पुन्हा उभा करणे कठीण होते, असेही त्यांनी ठामपणे नमूद केले.

🎓 विद्यार्थ्यांसाठी पत्रकारितेची मोठी दारे उघडी!

सध्याच्या डिजिटल युगात एमपीटीएल, स्वयंअभ्यास कोर्सेस यांसारख्या माध्यमांतून पत्रकारिता व मास कम्युनिकेशनचे अभ्यासक्रम मोफत उपलब्ध असून, या संधींचा लाभ घेऊन विद्यार्थ्यांनी आपले लेखनकौशल्य, भाषिक गुणवत्ता आणि व्यावसायिक पात्रता विकसित करावी, असे आवाहनही डॉ. काळे यांनी केले.

🔥 “पत्रकारांचे नाते वेदनेशी आहे” – सुधाकर कडू

महारोगी सेवा समितीचे विश्वस्त सुधाकर कडू म्हणाले,

> “बाळशास्त्री जांभेकरांचा काळ वेगळा होता, आजचा काळ वेगळा आहे. समस्या बदलल्या, वाढल्या. पण पत्रकारांचे नाते आजही समाजाच्या वेदनेशीच आहे. आनंदवन आणि पत्रकारिता – दोन्हीही माणुसकीचे दीपस्तंभ आहेत.”

⚡ सत्तेच्या सावलीत मिडिया? – ज्येष्ठ पत्रकार शंकर तडसांचा सवाल

ज्येष्ठ पत्रकार शंकर तडस यांनी आजच्या माध्यमांवर थेट बोट ठेवताना सांगितले की,

> “तांत्रिक प्रगती झाली, पण संवेदनशीलता हरवत चालली आहे. अनेक प्रस्थापित मिडिया सत्तेच्या पाठीशी उभे आहेत. समाजहितासाठी लढणारी पत्रकारिता कमी होत आहे. मात्र सोशल मिडियातून उभी राहत असलेली निर्भीड पत्रकारिता ही आशेची किरण आहे.”

युवकांनी सत्यनिष्ठ, निर्भीड आणि संवेदनशील पत्रकारितेसाठी पुढे येणे ही काळाची गरज असल्याचे त्यांनी ठामपणे सांगितले.

‘तोफेवर उत्तर म्हणजे… वृत्तपत्र!’ – राजेंद्र मर्दाने

अध्यक्षीय भाषणात राजेंद्र मर्दाने यांनी प्रसिद्ध शायर अकबर इलाहाबादींचा शेर उद्धृत करत पत्रकारितेचे सामाजिक सामर्थ्य अधोरेखित केले.

> “खिचों ना कमानो को, न तलवार निकालो
जब तोफ मुकाबिल हो, तो अखबार निकालो!”

६ जानेवारी हा पत्रकार दिन असून तो बाळशास्त्री जांभेकर यांची जयंती किंवा स्मृतिदिन नसून, ‘दर्पण’ हे केवळ वृत्तपत्र नव्हे तर समाजप्रबोधनाचे प्रभावी शस्त्र होते, असे त्यांनी स्पष्ट केले.

🎤 मान्यवरांची उपस्थिती व सन्मान

प्रास्ताविकात डॉ. प्रवीण मुधोळकर यांनी आचार्य बाळशास्त्री जांभेकर यांच्या जीवनकार्याचा अभ्यासपूर्ण आढावा घेतला.
कार्यक्रमाच्या सुरुवातीला जांभेकर यांच्या प्रतिमेचे पूजन व दीपप्रज्वलन करण्यात आले. मान्यवरांचा सत्कार तसेच कर्तृत्ववान पत्रकारांचा गौरव करण्यात आला.कार्यक्रमात प्रा. मोक्षदा मनोहर, डॉ.रंजना लाड, प्रा. पल्लवी ताजने, , प्रा. रामदास कामडी, बबन अवघड़े नरेंद्र पाटील,संयोगिता वर्मा, अविनाश पंधरे, सामाजिक कायकर्ता राजेश ताजने, प्रवीण गंधारे, खेमचंद नेरकर, शेख शफी, तुलसीदास अलाम, धमेंद्र शेरकुरे, तुषार मर्दाने सह महाविद्यालयीन प्राध्यापक, कर्मचारीवृंद, विद्यार्थी – विद्यार्थीनी व पत्रकार मोठ्या संख्येने उपस्थित होते.
राष्ट्रगीताने कार्यक्रमाची सांगता झाली.

सूत्रसंचालन डॉ. प्रवीण मुधोळकर, तर आभार प्रदर्शन हरीश केशवाणी यांनी केले.
राष्ट्रगीताने कार्यक्रमाची सांगता झाली.

🙏जय विदर्भ 🙏

बातमी व जाहिरातीसाठी संपर्क साधा.

☎️ 9673574711

☎️8329889732