🛑🙏 बीट स्तरीय शालेय बालक्रीडा व सांस्कृतिक महोत्सव 2025-2026 दणक्यात संपन्न 🙏🛑

वरोरा : अभिषेक भागडे

राळेगाव मध्ये  बालशक्तीचा जल्लोष! बीट स्तरीय शालेय बालक्रीडा व सांस्कृतिक महोत्सव २०२५–२६ दणक्यात संपन्न 🏆🔥

बीट–माजरी, पंचायत समिती भद्रावती अंतर्गत आयोजित बीट स्तरीय शालेय बालक्रीडा व सांस्कृतिक महोत्सव २०२५–२६ राळेगाव येथे प्रचंड उत्साह, जल्लोष आणि विद्यार्थ्यांच्या टाळ्यांच्या गजरात यशस्वीरित्या पार पडला. संपूर्ण परिसरात चैतन्याचे वातावरण असून विद्यार्थ्यांच्या क्रीडा-कौशल्याने आणि सांस्कृतिक सादरीकरणाने उपस्थितांची मने जिंकली.

या भव्य महोत्सवाचे उद्घाटन वरोरा–भद्रावती विधानसभा मतदारसंघाचे लोकप्रिय आमदार मा. श्री. करणदादा देवतळे यांच्या शुभहस्ते करण्यात आले. विद्यार्थ्यांच्या सर्वांगीण विकासासाठी क्रीडा व संस्कृती ही काळाची गरज असल्याचे प्रतिपादन त्यांनी यावेळी केले.

⚽🏃‍♂️ मैदानावर उसळला आत्मविश्वास – रंगमंचावर उमटली कला!
कबड्डी, खो-खो, धावणे, विविध मैदानी खेळांसह नृत्य, गायन, वक्तृत्व अशा सांस्कृतिक कार्यक्रमांनी महोत्सवाला वेगळीच उंची दिली. विद्यार्थ्यांच्या चेहऱ्यावरील आत्मविश्वास, शिस्तबद्ध खेळ आणि संघभावना पाहून उपस्थित भारावून गेले.

या प्रसंगी शिक्षण विभागाचे अधिकारी, क्रीडा समितीचे पदाधिकारी, शाळा व्यवस्थापन समिती सदस्य, शिक्षकवृंद, पालक, ग्रामपंचायत पदाधिकारी तसेच ग्रामस्थ मोठ्या संख्येने उपस्थित होते. सर्वांच्या सहकार्यामुळे हा महोत्सव यशस्वी ठरला.

🎯 हा महोत्सव म्हणजे भविष्यातील सक्षम पिढी घडवण्याचा मजबूत पाया!
क्रीडा व सांस्कृतिक उपक्रमांमुळे विद्यार्थ्यांमध्ये नेतृत्वगुण, शिस्त, संघभावना आणि कलागुणांचा विकास होतो—राळेगावातील हा महोत्सव त्याचेच जिवंत उदाहरण ठरला.

👏 सर्व सहभागी विद्यार्थ्यांचे, शिक्षकांचे व आयोजकांचे स्वतंत्र विदर्भ न्यूज पोर्टल तर्फे  मनःपूर्वक अभिनंदन!

🙏🏼 जय विदर्भ 🙏–निर्भीड बातमी, प्रभावी जाहिरात!

📞 बातमी व जाहिरातीसाठी संपर्क साधा:
☎️ 9673574711
☎️ 8329889732

🔥 जय विदर्भ  🔥