वरोरा (प्रतिनिधी) :- स्थापनेपासूनच म्हणजेच सन १९५५ पासून सातत्याने लोकहित आणि सामाजिक उपक्रमांची परंपरा कायम राखणारे वरोऱ्याचे श्रद्धास्थान ‘जय भारतीय गणेश मंडळ’ आणि ‘न्यु जय भारतीय सोशल फाऊंडेशन’ यांच्या संयुक्त विद्यमाने एका अत्यंत स्तुत्य आणि भव्य उपक्रमाचे आयोजन करण्यात आले आहे. अनेक वर्षांहून अधिक काळ केवळ धार्मिक उत्सव नव्हे, तर समाजाला दिशा देणारे नवनवीन आणि आगळे-वेगळे उपक्रम राबवून या मंडळाने संपूर्ण परिसरात आपला एक वेगळाच दरारा व आदर्श निर्माण केला आहे. याच गौरवशाली परंपरेला साजेसे असे ‘भव्य रक्तदान शिबिर’ यंदाही मोठ्या दिमाखात पार पडणार आहे.
दिनांक: रविवार, २० सप्टेंबर २०२६
- वेळ: सकाळी ११ ते दुपारी ३ वाजेपर्यंत
- स्थळ: श्री मोठे विठ्ठल मंदिर देवस्थान, वरोरा
- रक्त संकलन: डॉ. हेडगेवार रक्तपेढी, नागपूर
१९५५ पासून समाजसेवेचा अखंड दीप!
जेव्हा इतर मंडळे केवळ उत्सवापुरતી मर्यादित होती, तेव्हापासून सन १९५५ च्या काळात स्थापन झालेल्या ‘जय भारतीय गणेश मंडळाने’ समाजसेवेचा खरा मूक मंत्र जपला. अनेक वर्षांचा हा प्रवास उडतांना मंडळाचा प्रत्येक उपक्रम हा तरुणांसाठी एक प्रेरणास्थान ठरला आहे. रक्ताच्या एका थेंबासाठी होणारी वणवण थांबवण्यासाठी आणि माणुसकीचे नाते घट्ट करण्यासाठी यंदाचे हे महाशिबिर अत्यंत महत्त्वपूर्ण ठरणार आहे.
रक्तदात्यांसाठी विशेष सन्मान:
या महायज्ञात जास्तीत जास्त नागरिकांनी, युवकांनी आणि रक्तदात्यांनी पुढे यावे, यासाठी मंडळाने विशेष बक्षीस व सन्मानाची सोय केली आहे:
- प्रत्येक रक्तदात्याला आकर्षक गिफ्ट (उपहार) भेट देण्यात येईल.
- रक्तदात्याच्या अतुलनीय योगदानाबद्दल त्यांना गौरवशाली प्रमाणपत्र प्रदान केले जाईल.
“रक्तदान म्हणजेच जीवनदान… आणि खरा गणेशोत्सव म्हणजेच समाजसेवा!” सन १९५५ पासून चालत आलेल्या या महान परंपरेचा हिस्सा बनण्यासाठी आणि एका मानवाचा जीव वाचवण्यासाठी वरोरा शहरातील तमाम नागरिकांनी, तरुण कार्यकर्त्यांनी या भव्य रक्तदान शिबिरात विक्रमी संख्येने सहभागी व्हावे, असे आऊहान जय भारतीय गणेश मंडळ व न्यु जय भारतीय सोशल फाऊंडेशनच्या वतीने करण्यात आले आहे.
