🚩 वरोऱ्यात विठ्ठल-रूक्माई शोभायात्रेत रोटरी क्लबतर्फे ‘केळ व चहा वितरण’ संपन्न!

वरोरा :- शहरातील विठ्ठल मंदिराच्या वतीने आज आयोजित करण्यात आलेल्या भव्य विठ्ठल-रूक्माई शोभायात्रेच्या निमित्ताने वारकऱ्यांच्या सेवेसाठी रोटरी क्लब ऑफ वरोरा च्या वतीने एका विशेष सेवाकार्याचे आयोजन करण्यात आले. मेन रोडवरील ‘द मोबाईल एक्सपर्ट’ शॉपसमोर दुपारी ३:०० वाजता वारकऱ्यांसाठी केळ व चहा वितरण करण्यात आले.

टाळ-मृदंगाचा गजर, विठू नामाचा जयघोष आणि शिस्तीत निघालेल्या या शोभायात्रेत तहानलेल्या व वारकऱ्यांच्या सेवेसाठी रोटरी क्लबचे सदस्य उत्साहाने पुढे सरसावले. यावेळी हजारो वारकऱ्यांनी या अल्पोपहार व सेवाकार्याचा लाभ घेतला.

या पावन प्रसंगी रोटरी क्लब ऑफ वरोराचे अध्यक्ष/सदस्य अभिजित मणियार, अभिजित बोथले, सुनील अयचित, योगेश डोंगरवार, सागर गहुकर, अली हुसेन आणि मोहम्मद सिद्दीकोट यांच्यासह सर्व सदस्य उपस्थित होते. वारकरी संप्रदायाचा हा उत्साह वाढवण्यासाठी आणि सेवाभावी कार्य पार पाडण्यासाठी रोटरी क्लबच्या या उपक्रमाचे शहरभरातून कौतुक होत आहे.