वरोरा :- ‘क्रांतिसूर्य’, ‘धरतीबा’ आणि आदिवासी अस्मितेचे तेजस्वी प्रतीक भगवान बिरसा मुंडा यांच्या पुण्यतिथीनिमित्त त्यांना आज भावपूर्ण आदरांजली वाहण्यात आली. ब्रिटीश सत्तेच्या अन्यायाविरुद्ध आदिवासी समाजाला संघटित करून जल, जंगल आणि जमिनीच्या हक्कासाठी त्यांनी दिलेल्या ऐतिहासिक लढ्याची आठवण काढत उपस्थित मान्यवरांनी त्यांच्या पवित्र स्मृतीस विनम्र अभिवादन केले.
अन्यायाविरुद्धचा लढा आजही प्रेरणादायी
यावेळी बोलताना उपस्थितांनी सांगितले की, “भगवान बिरसा मुंडा यांनी केवळ आदिवासींच्या अस्मितेसाठीच नाही, तर अन्यायी व्यवस्थेला उलथवून लावण्यासाठी लढा दिला. त्यांचे बलिदान संपूर्ण राष्ट्रासाठी प्रेरणादायी आहे. त्यांनी दाखवलेला मार्ग आजही समाजाच्या हक्कासाठी लढण्याचे बळ देतो. त्यांचा हा लढा आपण कधीही विसरू शकत नाही.”
प्रमुख मान्यवरांची उपस्थिती
या स्मृतीप्रसंगी आदिवासी समाजातील अनेक दिग्गज नेते व कार्यकर्ते मोठ्या संख्येने उपस्थित होते. यात प्रामुख्याने:
सौ. रोशनी संदीप भडके (नगरसेविका) संदीप भडके( सामाजिक कार्यकर्ते) आदिवासी नेते बालूभाऊ गेडाम, चिंतामण आत्राम, पुरके साहेब, सुनील गेडाम, सतीश गेडाम, दत्ताजी गवांडे, प्रमोद मेक्षाम
दर्श मेश्राम,दीपक आत्रम,विशाल नागभिड़कर,सचिन मेश्राम, किशोर नैताम, शेषराव बावणे व समाजातील इतर नेते व कार्यकर्ते उपस्थित होते कार्यक्रमाच्या शेवटी, भगवान बिरसा मुंडा यांच्या विचारांचा वारसा पुढे चालवण्याचा आणि आदिवासींच्या हक्कासाठी सदैव तत्पर राहण्याचा संकल्प उपस्थितांनी केला.
