नागपूर :- नागपूर पोलीस आयुक्तपदाची धुरा आता राज्याच्या पोलीस दलातील अत्यंत धडाकेबाज आणि शिस्तप्रिय अधिकारी अशी ओळख असलेल्या **विश्वास नांगरे पाटील** यांच्या खांद्यावर आली आहे. आयुक्त म्हणून पदभार स्वीकारल्यानंतर त्यांचे स्वागत करताना सुधीरभाऊ मुनगंटीवार यांनी त्यांना बांबूपासून निर्मित ‘तिरंगा ध्वज’ भेट देत एक आगळावेगळा आणि देशप्रेमाचा संदेश दिला.
💠नागपूरच्या कायदा-सुव्यवस्थेला मिळणार नवे बळ💠
विश्वास नांगरे पाटील यांच्या नियुक्तीमुळे नागपूरच्या पोलीस दलात नवीन ऊर्जेचा संचार झाला आहे. त्यांच्या व्यक्तिमत्त्वाचे विविध पैलू मांडताना सुधीरभाऊ मुनगंटीवार म्हणाले की, “कर्तव्यनिष्ठा, अदम्य धैर्य आणि शिस्तप्रियता ही नांगरे पाटलांच्या कार्यशैलीची प्रमुख वैशिष्ट्ये आहेत.” त्यांच्या प्रदीर्घ प्रशासकीय अनुभवाचा फायदा नागपूरच्या कायदा आणि सुव्यवस्थेला नक्कीच होईल, असा ठाम विश्वास त्यांनी यावेळी व्यक्त केला.
💠 जनतेचा विश्वास दृढ होणार 💠
नांगरे पाटील यांची नियुक्ती नागपूर शहरासाठी अत्यंत महत्त्वाची ठरली आहे. त्यांच्या नेतृत्वाखाली नागपूरची पोलीस यंत्रणा अधिक सक्षम आणि संवेदनशील होऊन सामान्यांचा पोलिसांवरील जनविश्वास अधिक दृढ करेल, अशी अपेक्षा वर्तवण्यात येत आहे.
नागपूर शहराच्या सेवेसाठी सज्ज झालेल्या पोलीस आयुक्तांचा आगामी कार्यकाळ यशस्वी, प्रभावी आणि जनहिताला समर्पित ठरो, अशा मनःपूर्वक शुभेच्छाही सुधीरभाऊ मुनगंटीवार यांनी दिल्या आहेत. एका धडाकेबाज अधिकाऱ्याच्या आगमनाने गुन्हेगारांचे धाबे दणाणले असून, नागपूरकर आता एक सुरक्षित वातावरण अनुभवण्यास सज्ज झाले आहेत.
