“विद्यार्थ्यांना ‘स्व. माजी खासदार सुरेश धानोरकर स्मृती शिष्यवृत्ती’चा लाभ घेण्याचे आवाहन”
चंद्रपूर :-बेंगळुरू येथील नामांकित ‘कोशिस इन्स्टिट्यूट ऑफ टेक्नॉलॉजी’च्या वतीने चंद्रपूर येथील ‘ग्रँड आयकॉन हॉटेल’मध्ये नुकताच भव्य अभियांत्रिकी प्रवेश व करिअर मार्गदर्शन मेळावा आयोजित करण्यात आला. आधुनिक तंत्रज्ञान क्षेत्रातील संधी आणि उच्च शिक्षणातील आर्थिक अडथळे दूर करण्याच्या उद्देशाने आयोजित या मेळाव्याला शिक्षणतज्ज्ञ, संस्थाचालक, विद्यार्थी आणि पालकांचा उत्स्फूर्त प्रतिसाद लाभला.
महत्त्वाचे उपक्रम आणि मार्गदर्शन
मेळाव्यात आर्टिफिशियल इंटेलिजन्स (AI), डेटा सायन्स, सायबर सिक्युरिटी, रोबोटिक्स यांसारख्या भविष्यातील करिअरच्या सुवर्णसंधींवर सविस्तर मार्गदर्शन करण्यात आले. बदलत्या तंत्रज्ञानाच्या युगात करिअरच्या कोणत्या वाटा निवडाव्यात, याबाबत तज्ज्ञांनी विद्यार्थ्यांना दिशा दिली. तसेच संस्थेच्या प्रतिनिधींनी उद्योग-केंद्रित अभ्यासक्रम, इंटर्नशिप आणि जागतिक दर्जाच्या प्लेसमेंट संधींची माहिती दिली.
विद्यार्थ्यांसाठी शिष्यवृत्तीचा आधार
यावेळी खासदार प्रतिभा धानोरकर यांच्या वतीने एक महत्त्वाचे आवाहन करण्यात आले. चंद्रपूर आणि गडचिरोली जिल्ह्यातील गुणवंत, परंतु आर्थिकदृष्ट्या गरजू विद्यार्थ्यांना उच्च शिक्षणासाठी “श्री सुरेश धानोरकर मेमोरियल स्कॉलरशिप” योजनेचा लाभ घेण्याचे आवाहन करण्यात आले आहे. मानस धानोरकर यांच्या उपस्थितीत या शिष्यवृत्तीचे महत्त्व अधोरेखित करण्यात आले. तांत्रिक शिक्षण घेऊ इच्छिणाऱ्या विद्यार्थ्यांसाठी ही शिष्यवृत्ती एक मोठी संधी ठरणार आहे.
मेळाव्याचे विशेष आकर्षण :-
वैयक्तिक समुपदेशन :- विद्यार्थ्यांच्या शंकांचे निरसन करण्यासाठी खास करिअर कौन्सिलिंग सत्राचे आयोजन.
थेट संवाद :-पालक आणि विद्यार्थ्यांशी संस्थेच्या प्रतिनिधींचा थेट संवाद.
अत्याधुनिक सुविधा :-संस्थेच्या कॅम्पस पायाभूत सुविधा, हॉस्टेल आणि प्लेसमेंट रेकॉर्डची सविस्तर मांडणी.
या मेळाव्यास मानस धानोरकर, सुग्रेश स्वामी, सुधीर गौतम, विविध नगरसेवक आणि मोठ्या संख्येने उपस्थित विद्यार्थी व पालकांची उपस्थिती होती. या उपक्रमामुळे चंद्रपूरच्या ग्रामीण व शहरी भागातील विद्यार्थ्यांना आधुनिक अभियांत्रिकी शिक्षणाची दारे खुली झाली आहेत.
