🛑🙏 आमदार करण देवतळे यांच्या पाठपुराव्याला यश 🙏🛑

✨ आमदार करण देवतळे यांच्या पाठपुराव्याला यश

🚧 नंदोरी (बु.) – इंदिरानगर जोडणाऱ्या बंधाऱ्याच्या कामास 1.97 कोटींची मंजुरी

🌊 दहा वर्षांचा प्रश्न अखेर मार्गी, नागरिकांना दिलासा

भद्रावती : अभिषेक भागडे

भद्रावती तालुक्यातील मौजा नंदोरी (बु.) येथून इंदिरानगरला जोडणाऱ्या शिर नदीवरील बंधाऱ्याच्या रखडलेल्या कामास अखेर गती मिळाली असून, आमदार करण देवतळे यांच्या सातत्यपूर्ण पाठपुराव्यामुळे या महत्त्वाच्या कामासाठी 1 कोटी 97 लाख रुपयांचा निधी मंजूर करण्यात आला आहे. या निर्णयामुळे गेल्या दहा वर्षांपासून त्रस्त असलेल्या नागरिकांच्या अडचणींना अखेर पूर्णविराम मिळणार आहे.

शिर नदीच्या पलीकडे वसलेल्या इंदिरानगरमधील नागरिकांना नंदोरी तसेच तालुक्याच्या ठिकाणी ये-जा करण्यासाठी नदी ओलांडावी लागत होती. वर्षभर पाणी असणाऱ्या या नदीमुळे नागरिकांना जीव धोक्यात घालून प्रवास करावा लागत असून, शाळकरी मुले, रुग्ण, महिला व वृद्ध नागरिक यांना मोठ्या अडचणींचा सामना करावा लागत होता.

यापूर्वी चांदा ते बांदा योजनेअंतर्गत बंधाऱ्याचे काम मंजूर झाले होते. मात्र निधीअभावी कंत्राटदाराने काम अर्धवट सोडल्याने हा प्रश्न तब्बल दहा वर्षे प्रलंबित राहिला. संतप्त नागरिकांनी अनेकदा आंदोलन केले, इतकेच नव्हे तर मतदानावर बहिष्कार टाकण्याचा टोकाचा निर्णयही घेतला होता.

अखेर नंदोरी (बु.) व इंदिरानगर येथील नागरिकांनी आमदार करण देवतळे यांच्याकडे निवेदन देत या प्रश्नाकडे लक्ष वेधले. आमदार देवतळे यांनी तत्काळ प्रत्यक्ष स्थळभेट देऊन परिस्थितीची पाहणी केली, जिल्हाधिकाऱ्यांशी सविस्तर चर्चा केली व जिल्हा वार्षिक योजनेतून निधी मंजुरीसाठी सातत्याने पाठपुरावा केला.

या प्रयत्नांना यश येत जिल्हा वार्षिक योजनेअंतर्गत बंधाऱ्याच्या कामास प्रशासकीय मान्यता मिळाली असून, 1.97 कोटी रुपयांचा निधी मंजूर करण्यात आला आहे. सदर काम मृद व जलसंधारण विभागामार्फत लवकरच हाती घेण्यात येणार आहे.

या ऐतिहासिक निर्णयाबद्दल नंदोरी (बु.) व इंदिरानगर येथील नागरिकांनी आमदार करण देवतळे यांचे मनापासून आभार मानले असून, “दहा वर्षांचा रखडलेला प्रश्न सोडवणारा नेता” अशी भावना व्यक्त केली आहे.
🙏जय विदर्भ 🙏
बातम्या जाहिरातीसाठी संपर्क साधा.
☎️ 9673574711
☎️8329889732