🛑🙏 नागपूर विभागावर वरोऱ्याचा दबदबा, राज्यस्तरीय स्पर्धेसाठी दमदार निवड वरोरा शहराचा अभिमान 🙏🛑

🔥 नागपूर विभागावर वरोऱ्याचा दबदबा!
🔥 फौजी वॉरिअर्स मार्शल आर्टच्या खेळाडूंनी आष्टे-डू आखाडा स्पर्धेत गाजवला झेंडा
🔥 राज्यस्तरीय स्पर्धेसाठी दमदार निवड – वरोरा शहराचा अभिमान

वरोरा : ✍️ अभिषेक भागडे

नागपूर विभागीय शालेय आष्टे-डू आखाडा क्रीडा स्पर्धा २०२५–२६ मध्ये वरोरा येथील फौजी वॉरिअर्स मार्शल आर्ट सेंटरच्या खेळाडूंनी अक्षरशः वर्चस्व गाजवत प्रतिस्पर्ध्यांना धूळ चारली. विभागातील सर्व जिल्ह्यांतील बलाढ्य खेळाडूंना पराभूत करत वरोऱ्याच्या या रणांगणातील योद्ध्यांनी राज्यस्तरीय स्पर्धेसाठी थेट धडक मारली आहे.

जिल्हा क्रीडा परिषद वर्धा, जिल्हा क्रीडा अधिकारी कार्यालय वर्धा आणि आष्टे-डू आखाडा असोसिएशन, वर्धा जिल्हा यांच्या संयुक्त विद्यमाने ही भव्य स्पर्धा दिनांक २७ डिसेंबर २०२५ रोजी इरिगेशन (सिंचन) हॉल, डॉ. बाबासाहेब आंबेडकर चौक, वर्धा येथे पार पडली. नागपूर विभागातील सर्व जिल्ह्यांतील खेळाडू या स्पर्धेत सहभागी झाले होते.

या विभागीय स्पर्धेत १४, १७ व १९ वर्षाखालील वयोगटांत फौजी वॉरिअर्सच्या खेळाडूंनी आपल्या शिस्तबद्ध प्रशिक्षण, झुंजार वृत्ती आणि उत्कृष्ट कौशल्याचे दर्शन घडवत निर्णायक विजय मिळवले.

🥋 राज्यस्तरावर झेप घेणारे योद्धे

१४ वर्षाखालील गट :
▪️ चि. अर्णव निशांत कोसमकर
▪️ कु. अवनी विनोद उमरे
▪️ कु. आराध्या संजय शंभरकर
(दिशा स्कूल ऑफ इनोव्हेटिव्ह लर्निंग, वरोरा)
▪️ चि. हर्ष अनिल गेडाम
(लोकमान्य इंग्लिश मिडीयम स्कूल, वरोरा)

१७ वर्षाखालील गट :
▪️ शौर्य पवनकुमार कारेकार
(दिशा स्कूल ऑफ इनोव्हेटिव्ह लर्निंग)
▪️ पियुष गजानन विंधाणे
(लोकमान्य इंग्लिश मिडीयम स्कूल, वरोरा)

१९ वर्षाखालील गट :
▪️ कु. वेदिका गुणवंत भोयर
(आनंद निकेतन कनिष्ठ महाविद्यालय)
▪️ शोन जितेंद्र दसूडे
(लोकमान्य कनिष्ठ महाविद्यालय, वरोरा)

या घवघवीत यशामागे फौजी वॉरिअर्स मार्शल आर्ट सेंटर, वरोराचे मुख्य प्रशिक्षक श्री. रवींद्र चरूरकर व श्री. घनश्याम खोंडे यांचे काटेकोर प्रशिक्षण, रणनिती आणि मैदानावरील योग्य मार्गदर्शन निर्णायक ठरले.

या नेत्रदीपक यशाबद्दल श्री. विनय बोडे (अध्यक्ष व मुख्य प्रशिक्षक – जुनसेई शोतोकन कराटे असोसिएशन, भारत),
फौजी वॉरिअर्स मार्शल आर्ट सेंटरचे अध्यक्ष तथा नगरसेवक श्री. प्रविण चिमुरकर (बी.एस.एफ.),
समन्वयक श्री. डी.एन. खापने सर (भा. वायू सेना),
सचिव श्री. रवि तुराणकर सर (भा. स्थल सेना),
श्री. हेमराज बेहरे (मराठा रेजिमेंट),
गुरुवर्य श्री. राजू नकवेजी,
मास्टर वैभव खारकर, फकिरा निखाडे (कोच), अश्विनी नरड (कोच)
तसेच शहरातील क्रीडाप्रेमी, शिक्षक व पालकवर्ग यांनी खेळाडूंवर कौतुकाचा वर्षाव करत राज्यस्तरीय स्पर्धेसाठी शुभेच्छांचा पाऊस पाडला.

🔥 वरोऱ्याचे नाव राज्यात झळकावण्यासाठी सज्ज झालेले हे योद्धे आता राज्यस्तरावरही विजयाचा इतिहास रचतील, असा ठाम विश्वास व्यक्त होत आहे! 🔥
-🙏जय विदर्भ🙏-
{बातमी आणि जाहिरातीसाठी संपर्क साधा☎️ 9673574711
☎️ 8329889732}