🪷 वरोरा येथे गुरुनानक जयंती उत्साहात साजरी 🪷

वरोरा- अभिषेक भागडे  (ता. ५ नोव्हेंबर २०२५) : आज गुरुनानक जयंतीच्या पवित्र दिवशी वरोरा येथील सिंधी व शीख समाजाच्या वतीने गुरुद्वारामध्ये विशेष कार्यक्रम आयोजित करण्यात आला. समाजातील नागरिकांनी मोठ्या श्रद्धा, भक्ती आणि आनंदात गुरुद्वारातील पवित्र गुरु ग्रंथ साहिब यांचे दर्शन घेतले.

गुरूंची आज्ञा शिरोधार्य मानणारी आणि आपल्या आचरणातून सद्गुणांचा प्रसार करणारी शीख बांधवांची परंपरा सदैव प्रेरणादायी राहिली आहे. गुरुनानक देवजी यांच्या जयंतीनिमित्त समाजबांधवांनी एकमेकांना शुभेच्छा देत, एकात्मता आणि मानवतेचा संदेश दिला.

या प्रसंगी सौ. माया रमेशजी राजुरकर सामाजिक कार्यकर्त्या व रमेशजी राजुरकर यांनीही गुरुद्वाराला भेट देऊन दर्शन घेतले. दर्शनाच्या वेळी त्यांना अध्यात्मिक आनंद, अंतःशांती आणि प्रसन्नतेचा अनुभव आल्याचे त्यांनी सांगितले.

गुरुद्वारात कीर्तन, लंगर सेवा आणि गुरु वचन पठण यांचे आयोजन करण्यात आले होते. सर्व भक्तांनी मोठ्या भक्तिभावाने सहभाग घेत, श्री गुरुनानक देवजींच्या शिकवणीचे स्मरण केले.

सर्वांना श्री गुरुनानक देवजी यांच्या जयंतीच्या हार्दिक शुभेच्छा!( बातम्या जाहिरातीसाठी संपर्क साधा. मो. न. 9673574711 )–🙏 जय विदर्भ🙏—