जनसेवेचा वारसा अन् विदर्भाचा आवाज: राजूभाऊ उंबरकर यांच्या कार्यपद्धतीचा एक आढावा व त्यांना जन्मदिवसाच्या शुभेच्छा.

वनी :-जनसेवेचा वारसा अन् विदर्भाचा आवाज राजूभाऊ उंबरकर यांच्या कार्यपद्धतीचा एक आढावा
विदर्भाच्या मातीत अनेक समाजसेवक कार्यरत आहेत, परंतु ज्यांनी आपल्या निःस्वार्थी कार्याचा ठसा उमटवला आहे, त्यापैकी एक नाव म्हणजे राजूभाऊ उंबरकर . आपल्या दातृत्वाने आणि अफाट सामाजिक कार्यामुळे त्यांनी केवळ जनसामान्यांची मनेच जिंकली नाहीत, तर मदतीचा एक नवा आदर्शही निर्माण केला आहे.

💠 आपत्तीच्या काळात आधारस्तंभ 💠
२०२३-२४ या कालावधीत विदर्भात पावसाळ्याच्या दिवसांत वर्धा नदीच्या खोऱ्यात, विशेषतः वनी आणि मारेगाव तालुक्यातील अनेक गावांमध्ये पूरस्थिती उद्भवली होती. नदीकाठी वसलेल्या या गावांना पुराचा मोठा फटका बसला. अशा कठीण प्रसंगात राजूभाऊ उंबरकर यांनी मदतीचा हात पुढे केला.

💠 तातडीची मदत 💠 :-त्यांनी पूरग्रस्तांना केवळ वैद्यकीय मदतच नाही, तर गुरा-ढोरांना चारा आणि चारा-पाणी मिळवून दिले.

💠 मोफत बियाणे वाटप💠:- त्यानंतर दुसऱ्या टप्प्यात, पीडित शेतकऱ्यांना १६ लाख रुपयांचे मोफत बियाणे वाटप करून त्यांना सावरण्याचे महत्त्वाचे काम त्यांनी केले.

💠 आरोग्यसेवा आणि सामाजिक बांधिलकी💠
केवळ पूरग्रस्तांना मदत करूनच राजूभाऊ थांबले नाहीत, तर त्यांनी मागील 15 वर्षांपासून ‘मनसे रुग्णसेवा केंद्रा‘ची स्थापना करून आरोग्यसेवेचे मोठे कार्य हाती घेतले आहे.

💠 गोरगरीब जनतेसाठी आरोग्य 💠 :-दुर्गम आणि ग्रामीण भागातील गोरगरीब जनतेला मोफत वैद्यकीय सुविधा, तसेच गरज पडल्यास रुग्णवाहिका सेवाही ते विनामूल्य उपलब्ध करून देतात.

💠 आरोग्य मार्गदर्शन 💠 :-वैद्यकीय सल्ल्यापासून ते प्रसूती दरम्यानच्या सुविधांपर्यंत, राजूभाऊंनी एक सक्षम व्यवस्था उभी केली आहे.

💠 आदिवासी बांधवांसाठी विशेष कार्य 💠
झरी तालुक्यासारख्या आदिवासी बहुल भागात राहणाऱ्या गरीब कुटुंबातील माता-भगिनींच्या विवाहाचा भार स्वतः उचलून, त्यांनी सामाजिक परिवर्तनाची एक नवी दिशा दाखवून दिली आहे.

💠 पक्षीय बांधिलकी आणि जनसंगठन 💠
महाराष्ट्र नवनिर्माण सेनेच्या विचारांवर निष्ठा ठेवत, केवळ आपल्या भागाचा विकासच नव्हे, तर विदर्भातील विविध प्रश्नांना वाचा फोडण्याचे कामही त्यांनी केले आहे. पक्षाचे ध्येय-धोरण सांभाळत, ते विदर्भाच्या सर्वांगीण विकासासाठी सातत्याने प्रयत्नशील आहेत.

‘स्वतंत्र विदर्भ न्यूज’ पोर्टल वरोरा  राजूभाऊ उंबरकर यांच्या या प्रेरणादायी सामाजिक कार्याचे कौतुक करते आणि त्यांच्या उद्याच्या वाढदिवसानिमित्त त्यांना पुढील वाटचालीस भरभरून शुभेच्छा देते!