🔴🙏वरोरा येथे महात्मा ज्योतिबा फुले यांची १९९ वी जयंती उत्साहात साजर 🙏🔴.

वरोरा :-  क्रांतिसूर्य महात्मा ज्योतिबा फुले यांच्या १९९ व्या जयंतीचे औचित्य साधून आज, शनिवार दि. ११ एप्रिल २०२६ रोजी, वरोरा येथील महात्मा ज्योतिबा फुले चौक परिसरात अभिवादनाचा भव्य कार्यक्रम संपन्न झाला. डॉ. बाबासाहेब आंबेडकर जयंती उत्सव समिती २०२६ च्या वतीने आयोजित या कार्यक्रमात वरोरा शहरातील तमाम आंबेडकर अनुयायी मोठ्या संख्येने उपस्थित होते.
शिक्षनाचा जागर आणि महापुरुषांना अभिवादन
कार्यक्रमाच्या सुरुवातीला महात्मा ज्योतिबा फुले यांच्या प्रतिमेला पुष्पहार अर्पण करून अभिवादन करण्यात आले. यावेळी उपस्थितांनी ‘महात्मा फुले विजय असो’ आणि ‘बाबासाहेब आंबेडकरांचा विजय असो’ अशा घोषणांनी परिसर दणाणून सोडला.

🔴 प्रमुख वक्त्यांचे मार्गदर्शन 🔴
कार्यक्रमात प्रमुख वक्ता म्हणून आयु. जांभुळकर सर आणि पिंपळशेंडे सर  यांनी उपस्थितांना मार्गदर्शन केले. महात्मा ज्योतिबा फुले यांनी विषमतेच्या काळात स्त्री शिक्षणाची मुहूर्तमेढ रोवून संपूर्ण भारतात शिक्षणाचा प्रसार करण्यासाठी आपले संपूर्ण आयुष्य कसे झिजविले, यावर त्यांनी प्रकाश टाकला. “शिक्षण हेच प्रगतीचे एकमेव साधन आहे,” हा फुलेंचा विचार अंगीकारून समाजाने शैक्षणिक प्रगती साधावी, असे आवाहन यावेळी करण्यात आले.
🔴 नियोजनबद्ध आयोजन 🔴
कार्यक्रमाचे अतिशय नेटके सूत्रसंचालन आयु. मधुकर बंड यांनी केले. डॉ. बाबासाहेब आंबेडकर जयंती उत्सव समिती २०२६ च्या सर्व पदाधिकारी व सदस्यांनी या कार्यक्रमाच्या यशस्वीतेसाठी विशेष परिश्रम घेतले.
वरोरा येथील सर्व स्तरांतील आंबेडकर अनुयायांच्या उत्स्फूर्त प्रतिसादामुळे या जयंती उत्सवात एक वेगळाच उत्साह पाहायला मिळाला. समता आणि शिक्षणाचा संदेश देत या कार्यक्रमाची सांगता करण्यात आली.

🙏 जय विदर्भ 🙏