🛑 जनतेची गैरसोय होणार नाही या करिता नवीन ईमारती साठी खा. प्रतिभाताई धानोरकर यांनी पाठपुरावा केला🛑

पंचायत समिती वरोरा जि.चंद्रपूर टेमुर्डा ता. वरोरा येथील बँक ऑफ महाराष्ट्र शाखा आनंदवन येथे स्थलांतरित करण्याचा बँकेचा निर्णय हा स्थानिक जनतेला विश्वासात न घेता घेतलेला अन्यायकारक निर्णय आहे. या शाखेशी परिसरातील ३५ ते ४० गावांतील जवळपास २०,००० खातेदार, महिला बचत गट, वृद्ध निराधार लाभार्थी आणि शालेय विद्यार्थी जोडलेले असल्याने बँकेचे स्थलांतर झाल्यास या सर्वांची मोठी गैरसोय होणार आहे. सुरक्षेच्या कारणास्तव बँक स्थलांतरित करण्याऐवजी, टेमुर्डा गावातच सुरक्षित ठिकाणी नवीन इमारत उपलब्ध करून देण्याबाबत ग्रामपंचायत प्रशासनाने नेहमीच सकारात्मक भूमिका घेतली आहे.

या गंभीर प्रश्नावर नुकतीच वरोरा पंचायत समितीचे बीडीओ गजानन मुंडकर आणि टेमुर्डा गावातील प्रमुख सदस्यांसोबत सविस्तर चर्चा करण्यात आली. या बैठकीअंती असे निश्चित करण्यात आले आहे की, बँकेच्या अटी व शर्तींनुसार आणि सुरक्षेच्या दृष्टीने गावातच नवीन जागा पाहून ती निश्चित करण्यात येईल, जेणेकरून बँकेचे स्थलांतर कायमस्वरूपी थांबवता येईल. सर्व सामान्य नागरिकांच्या सोयीसाठी आणि हक्कासाठी ही बँक टेमुर्डा येथेच कार्यान्वित राहावी, यासाठी आमचा पाठपुरावा सुरू राहील.