🛑 वरोरात ‘हिंदू संमेलन’ची जोरदार तयारी शहरात उत्साहाचे वातावरण 🛑

वरोरात ‘हिंदू संमेलन’ची जोरदार तयारी; शहरात उत्साहाचे वातावरण

वरोरा : सकल हिंदू समाज, वीर सावरकर वस्ती यांच्या वतीने वरोरा शहरात २५ फेब्रुवारी २०२६ रोजी भव्य ‘हिंदू संमेलन’ आयोजित करण्यात आले असून या कार्यक्रमाची शहरभर जोरदार चर्चा सुरू आहे. समाजातील एकात्मता, संस्कृती व सनातन धर्माची जागृती करण्याच्या उद्देशाने हे संमेलन होत असून मोठ्या संख्येने नागरिक सहभागी होणार आहेत.

या संमेलनात संत आशीर्वचनासाठी ह.भ.प. श्री. केशव जी खिरटकर महाराज अध्यक्ष गुरुदेव सेवा मंडळ, डोंगरगाव उपस्थित राहणार असून प्रमुख उद्बोधक म्हणून श्री. सुभाषजी इटनकर विभाग कार्यवाह राष्ट्रीय स्वयंसेवक संघ, चंद्रपूर विभाग, मार्गदर्शन करणार आहेत. त्यांच्या उपस्थितीमुळे कार्यक्रमाला विशेष महत्त्व प्राप्त झाले आहे.

कार्यक्रमाची सुरुवात सकाळी ८ वाजता भव्य दिंडी यात्रेने होणार आहे. त्यानंतर दुपारी ३ वाजता भजन व सांस्कृतिक कार्यक्रम, तर सायंकाळी ५:३० वाजता गोमाता पूजन व भारत माता पूजन होणार आहे. मुख्य संमेलन सायंकाळी ६ वाजता श्री रामदेव बाबा मंदिर जवळ, सुभाष वार्ड, वरोरा येथे पार पडणार आहे. कार्यक्रमानंतर सहपरिवार भोजनाचीही व्यवस्था करण्यात आली आहे.

या भव्य कार्यक्रमासाठी आयोजकांकडून शहरात मोठ्या प्रमाणावर तयारी सुरू असून वरोरातील नागरिकांमध्ये उत्साहाचे वातावरण आहे. “अवश्य या” असे आवाहन आयोजकांनी केले आहे.