वरोरा :- चंद्रपूर-आर्णी लोकसभा मतदारसंघाचे दिवंगत खासदार, तळागाळातील कार्यकर्त्यांचे आधारस्तंभ आणि जनसामान्यांच्या हृदयात अढळ स्थान निर्माण करणारे आदरणीय बाळुभाऊ धानोरकर यांच्या जयंतीनिमित्त चंद्रपूर येथील जनसंपर्क कार्यालयात त्यांना भावपूर्ण आदरांजली वाहण्यात आली.
यावेळी खासदार प्रतिभाताई धानोरकर आणि ज्येष्ठ काँग्रेस नेते प्रवीण काकडे यांच्यासह उपस्थित मान्यवरांनी बाळूभाऊंच्या प्रतिमेला पुष्पहार अर्पण करून विनम्र अभिवादन केले.
💠जनसेवेच्या ध्यासाचा वारसा पुढे नेण्याचा संकल्प 💠
याप्रसंगी बोलताना उपस्थितांनी बाळूभाऊंच्या स्मृतींना उजाळा दिला. “बाळूभाऊंनी आपल्या संपूर्ण आयुष्यात जनहिताला सर्वोच्च प्राधान्य दिले. चंद्रपूर जिल्ह्याच्या सर्वांगीण विकासाचे स्वप्न उराशी बाळगून त्यांनी ज्या लोकसेवेचा आदर्श निर्माण केला, तो आमच्यासाठी नेहमीच दीपस्तंभ राहील,” अशा भावना व्यक्त करण्यात आल्या. त्यांच्या विचारांचा वारसा अधिक ताकदीने आणि निष्ठेने पुढे नेण्याचा संकल्प यावेळी कार्यकर्त्यांनी पुन्हा एकदा दृढ केला.
💠 कार्यकर्त्यांची मोठी उपस्थिती 💠
बाळूभाऊंच्या कार्यावर निष्ठा असणाऱ्या पदाधिकारी, कार्यकर्ते आणि नागरिकांनी जनसंपर्क कार्यालयात मोठी गर्दी केली होती. त्यांच्या विचारांना स्मरून, जनहितासाठी अखंडपणे कार्यरत राहणे हीच त्यांना खरी श्रद्धांजली ठरेल, असा सूर यावेळी उमटला.
“विचार अमर असतात आणि जनसेवेचा प्रवासही!” या भावनेने बाळूभाऊंच्या आठवणींना उजाळा देत कार्यक्रमाची सांगता झाली.
