🛑🙏जि. प. उच्च प्राथमिक शाळा देहेगाव येथे माजी विद्यार्थ्यांचा महाकुंभ; जुन्या आठवणींना उजाळा देत विकासाचा संकल्प 🛑🙏

देहेगाव : “ऋणानुबंधाच्या जिव्हाळ्याची गाठी, पुन्हा एकदा भेटूया शाळेच्या वाटी” या ब्रीदवाक्याला साजेसा माहोल निर्माण करत जि. प. उच्च प्राथमिक शाळा देहेगाव येथे २ मार्च २०२६ रोजी भव्य माजी विद्यार्थी मेळावा उत्साहात पार पडला. ग्रामपंचायत देहेगावच्या वतीने आयोजित या सोहळ्यात अनेक वर्षांनंतर एकत्र आलेल्या माजी विद्यार्थ्यांनी आपल्या शालेय जीवनातील आठवणींना उजाळा दिला.

कार्यक्रमाचे सूत्रसंचालन प्रफुल्ल कोटावर सर व किशोर सावळे सर यांनी केले. कार्यक्रमाच्या यशस्वीतेसाठी गजानन कडूकर, सागर चिंचोळकर आणि त्यांच्या सहकाऱ्यांचे मोलाचे सहकार्य लाभले.

या वेळी प्रमुख उपस्थिती म्हणून जंगळूजी सावळे (माजी विद्यार्थी व माजी सरपंच, देहेगाव), डॉ. सुरेशजी महाकुळकर (माजी विद्यार्थी व माजी नगराध्यक्ष, महानगरपालिका चंद्रपूर), देवराजजी काले (माजी विद्यार्थी व माजी शिक्षक), वासुदेवजी घाणणे सर, माजी शिक्षक महेशजी सोनटक्के, उपसरपंच गजानन चिंदे, शाळा व्यवस्थापन समिती अध्यक्ष सौ. शारदाबाई डब्बे, पोलिस पाटील विठ्ठलराव बोढणे, तंटामुक्ती समिती अध्यक्ष विलासराव ढोरे तसेच सेवा सहकारी संस्थेचे अध्यक्ष विलासराव ढोरे आदी मान्यवर उपस्थित होते.

या कार्यक्रमाला माजी विद्यार्थी शेखराव बाजीराव ढोरे, गणपत रामाजी चिंचोळकर, पार्वताबाई सखाराम डाहुले, सुखदेव केशव मेघम, दादाजी केशव मेघम, आशीष भास्कर येडे, दीपक राजेश्वर सोनटक्के, वाक्कृष्ण कोंडूजी सोनटक्के, अविनाश महादेव जुंढे, अतुल रामदास बडस्कार, राजू वासुदेव सोनटक्के, अमोल महादेव जुंढे, प्रकाश पुंडलिक पुसाटे, ज्ञानेश्वर महाकुळकर, अशोक कोंडूजी सोनटक्के, विठ्ठल बोढे, ब्रह्मदेव टाले, अरुण चव्हाणे, दशरथ झाडे, रमेश मेघम, संजय ताम्हाणे, भागवत काले, स्वागता सपाटे यांसह अनेक माजी विद्यार्थी मोठ्या संख्येने उपस्थित होते.

या मेळाव्यामुळे शाळेच्या विकासासाठी माजी विद्यार्थ्यांचा सहभाग वाढवण्याचा निर्धार करण्यात आला. कार्यक्रम उत्साहपूर्ण वातावरणात संपन्न झाला.

कार्यक्रमाच्या अध्यक्षस्थानी शाळेच्या मुख्याध्यापिका मा. सौ. चंद्रकलाताई सातपुते होत्या, तर उद्घाटक म्हणून सरपंच मा. श्री. विशाल नानाजी पारधी यांच्या हस्ते दीपप्रज्वलन करण्यात आले. सकाळी ९.३० वाजता नोंदणी व अल्पोपहाराने कार्यक्रमाची सुरुवात झाली. त्यानंतर माजी शिक्षक व विद्यार्थ्यांचा सत्कार सोहळा संपन्न झाला.

‘आठवणींचा प्रवास’ या सत्रात माजी शिक्षकांनी उपस्थितांना मार्गदर्शन केले, तर माजी विद्यार्थ्यांनी आपल्या भावना व्यक्त करत शाळेबद्दल कृतज्ञता व्यक्त केली. दुपारी भोजनानंतर विद्यार्थ्यांनी नाटिका आणि विविध सांस्कृतिक कला सादर करून कार्यक्रमात रंगत आणली.

कार्यक्रमाच्या उत्तरार्धात शाळेच्या प्रगतीसाठी ‘विचार मंथन’ करण्यात आले. यावेळी भविष्यातील उपक्रमांसाठी माजी विद्यार्थी समिती स्थापन करण्याचा महत्त्वपूर्ण निर्णय घेण्यात आला. पसायदान आणि राष्ट्रगीताने या अविस्मरणीय सोहळ्याची सांगता करण्यात आली.