🛑🙏वैराग्यमूर्ती संत गाडगे बाबा जयंतीनिमित्त प्रेरणादायी कार्यक्रम 🛑🙏

वरोरा : समाजप्रबोधन, स्वच्छता आणि मानवसेवेचा संदेश देणारे महान संत संत गाडगे बाबा यांच्या जयंतीनिमित्त वैराग्यमूर्ती श्री. संत गाडगेबाबा शैक्षणिक व सांस्कृतिक संस्था, वरोरा यांच्या वतीने भव्य व प्रेरणादायी कार्यक्रमाचे आयोजन करण्यात आले. या कार्यक्रमात संत गाडगेबाबा यांच्या मूर्तीची स्थापना आमदार करण देवतळे यांच्या हस्ते विधिवत करण्यात आली.

यावेळी सोनटक्के साहेब, अहेतेशामजी अली, प्रदीपजी मुके, भैयाजी रोहनकर, सुरजजी लोणकर, अनिकेतभाऊ नाकाडे, किशोरभाऊ केळझरकर, राजूभाऊ तुरणकर, कुणालभाऊ केळझरकर, सुनीलभाऊ भोयर, मोरे सर, डॉ. रोडे साहेब, बंडूभाऊ क्षीरसागर, दिलीपजी शिरपूरकर, नांदे साहेब आदी मान्यवर मोठ्या संख्येने उपस्थित होते.

या कार्यक्रमातून समाजात स्वच्छतेचे महत्त्व, अंधश्रद्धा निर्मूलन आणि सेवा भाव जपण्याचा संदेश देण्यात आला. संत गाडगेबाबा यांनी आयुष्यभर दिलेल्या समाजसेवेच्या आणि जनजागृतीच्या शिकवणीचे स्मरण करून उपस्थितांनी त्यांच्या विचारांचे अनुसरण करण्याचा संकल्प व्यक्त केला.

कार्यक्रमाला नागरिकांचा उत्स्फूर्त प्रतिसाद लाभला. समाजाला एकत्र आणत स्वच्छ, सुजाण आणि प्रगत समाज घडविण्याचा संदेश देणारा हा कार्यक्रम प्रेरणादायी ठरला.