🙏🛑 स्वातंत्र्यवीर सावरकर यांच्या पुण्यतिथीनिमित्त प्रेरणादायी संदेश; समाजाने विचार आत्मसात करण्याचे आवाहन 🛑🙏

वरोरा : देशभक्ती, विज्ञाननिष्ठा आणि तर्कसंगत विचारांची शिकवण देणारे महान क्रांतीकारक स्वातंत्र्यवीर सावरकर यांच्या पुण्यतिथीनिमित्त आज सावरकर चौक येथे त्यांच्या प्रतिमेला पुष्पहार अर्पण करून अभिवादन करण्यात आले. यावेळी सावरकर चौक पान टेला, ऑटो युनियनचे पदाधिकारी, जनप्रतिनिधी तसेच सावरकरप्रेमी मोठ्या संख्येने उपस्थित होते.

या प्रसंगी उपस्थितांनी सावरकरांच्या बहुआयामी व्यक्तिमत्त्वाची आठवण करून दिली. देशभक्ती, त्याग, तपस्या आणि राष्ट्रनिष्ठा या मूल्यांचा वारसा पुढील पिढीपर्यंत पोहोचविण्याची जबाबदारी समाजाची असल्याचे मत व्यक्त करण्यात आले. सावरकरांनी दिलेला विज्ञाननिष्ठ आणि तर्कसिद्ध विचार आजच्या काळात अधिक महत्त्वाचा असल्याचेही वक्त्यांनी नमूद केले.

समाजाला मार्गदर्शन करताना उपस्थितांनी आवाहन केले की,
आजच्या युवकांनी देशभक्तीची भावना जपत शिक्षण, शिस्त आणि सामाजिक जबाबदारी यांना प्राधान्य द्यावे. अंधश्रद्धा, वैमनस्य आणि चुकीच्या प्रवृत्तींना दूर ठेवून राष्ट्रहिताला सर्वोच्च मान देणे हीच खरी सावरकरांना अभिवादन ठरेल.

कार्यक्रमाच्या शेवटी सर्वांनी देशाच्या प्रगतीसाठी एकजुटीने काम करण्याचा संकल्प व्यक्त केला.

लेखनी विचार : दिपकजी घुडे, वरोरा 🌹