🙏 सीमा वैद्य ‘ आर्टिस्ट ऑफ द इयर अवॉर्ड 2025’ पुरस्काराने सन्मानित 🙏

✍️अभिषेक भागडे ( वरोरा ता. ५ नोव्हेंबर २०२५):
अंबाई बहुउद्देशीय सेवाभावी संस्था, अमरावती या प्रतिष्ठित संस्थेच्या वतीने दरवर्षी विविध क्षेत्रातील उल्लेखनीय कामगिरी करणाऱ्या व्यक्तींना सन्मानित करण्यात येते. यावर्षीचा ‘आर्टिस्ट ऑफ द इयर अवॉर्ड 2025’ हा मानाचा पुरस्कार वरोरा (जि. चंद्रपूर) येथील शैक्षणिक, सामाजिक व साहित्यिक क्षेत्रात सक्रिय असलेल्या सौ. सीमा वैद्य यांना प्रदान करण्यात आला.

हा सन्मान सोहळा जोशी सभागृह, अमरावती येथे मोठ्या उत्साहात पार पडला. संस्थेच्या अध्यक्षा माधुरी सचिन चव्हाण यांच्या हस्ते आणि प्रमुख उपस्थित मान्यवर मा. कमलाताई गवई, सौं. उज्वला देशमुख, मा. राजू डांगे, सचिन चव्हाण, शिवा खापरकर, संजीवनी काळे, अपूर्वा बल, सलीमभाई घानिवाले, सलीम शेख, विजय गिरडकर, नंदकिशोर निमकर यांच्या शुभहस्ते सीमा वैद्य यांना गौरविण्यात आले.

सौ. सीमा वैद्य यांनी शिक्षण, साहित्य आणि समाजसेवा या क्षेत्रात उल्लेखनीय योगदान दिले आहे. त्या विविध संवेदनशील विषयांवर लेखन करत असून, त्यांच्या कविता अनेक प्रतिनिधिक कविता संग्रहांमध्ये प्रकाशित झाल्या आहेत. साहित्य संमेलनात सूत्रसंचालन, स्वरचित कविता वाचन, परीक्षक तसेच अतिथी या भूमिकांमधून त्यांनी आपला ठसा उमटविला आहे. शैक्षणिक क्षेत्रात त्या विविध प्रशिक्षण कार्यक्रमांमध्ये तज्ञ मार्गदर्शक म्हणून कार्यरत आहेत. तसेच, अनेक साहित्य संस्थांमध्ये त्या महत्त्वाच्या पदांवर कार्य करत आहेत.

कार्यक्रमाचे उत्कृष्ट सूत्रसंचालन पल्लवी यादगिरे यांनी केले. या सोहळ्याच्या माध्यमातून सौ. सीमा वैद्य यांच्या विविध कार्याची दखल घेत त्यांचा गौरव करण्यात आला.
( बातम्या आणि जाहिराती करीता संपर्क साधा) ☎️9673574711                                                  –🙏   जय विदर्भ 🙏–