🙏 शेतकऱ्यांना योग्य न्याय मिळावा करिता शेतकरी नेते किशोर डुकरे यांचे तहसीलदार साहेबांना निवेदन 🙏

वरोरा (ता.४ नोव्हेंबर २०२५) :
वरोरा तालुक्यातील शेतकऱ्यांना भेडसावणाऱ्या गंभीर समस्यांकडे प्रशासनाचे लक्ष वेधण्यासाठी शेतकरी नेते तथा सामाजिक कार्यकर्ते किशोर डुकरे यांनी आज तहसीलदारांना निवेदन दिले.

निवेदनात त्यांनी नमूद केले की, तालुक्यातील अनेक शेतकरी तसेच गैर-अर्जदार शेतकऱ्यांनी शेतीमधून जाणारे पाण्याचे नैसर्गिक मार्ग आणि शेतीचे रस्ते बेकायदेशीरपणे बंद केले आहेत. या प्रकारामुळे इतर शेतकऱ्यांचे मोठे नुकसान होत असून, पिकांवर परिणाम होत आहे.

या संदर्भात अनेक शेतकऱ्यांनी तहसील कार्यालयात तक्रारी दाखल केल्या असतानाही आजपर्यंत कोणतीही ठोस कारवाई करण्यात आलेली नाही, असा आरोप श्री. डुकरे यांनी केला.
त्यावेळी मयूर बुरांडे, निकेश वासेकर, श्रीकृष्ण मांडवकर व इतर शेतकरी उपस्थित होते.
याप्रकरणी संबंधित अधिकाऱ्यांवर शिस्तभंगाची कारवाई करण्यात यावी तसेच सखोल चौकशी करून शेतकऱ्यांना न्याय मिळावा, अशी मागणी त्यांनी निवेदनाद्वारे केली.

🔸 या वेळी अनेक शेतकरी उपस्थित होते आणि त्यांनी या समस्यांबाबत प्रशासनाने तातडीने उपाययोजना कराव्यात, अशी एकमुखाने मागणी केली.

• —🙏 जय विदर्भ 🙏— बातम्या आणि जाहिरातीसाठी संपर्क साधा (✍️अभिषेक भागडे) मो. न.  9673574711 ☎️ 8329889732