🙏 देवतळे वर विश्वास जुना विकासात वेग पुन्हा🙏

वरोऱ्यात विकासाचा वेग — आमदार करण देवतळे यांच्या प्रयत्नातून चार कोटींचा निधी मंजूर

वरोरा | 23 ऑक्टोबर 2025 | स्वतंत्र विदर्भ न्यूज पोर्टल, वरोरा

वरोरा शहराच्या विकास प्रवासात आणखीन एक ठोस आणि महत्त्वपूर्ण पाऊल उचलण्यात आले आहे. आमदार करण दादा देवतळे यांच्या विशेष प्रयत्नातून वरोरा नगरपरिषद परिक्षेत्रातील गीतांजली मंगल कार्यालय ते कामगार चौक या मार्गावरील सिमेंट काँक्रीट रस्त्याच्या बांधकामासाठी चार कोटी रुपयांचा निधी मंजूर झाला आहे.

ही मंजुरी ठोक-अनुदान योजनेअंतर्गत देण्यात आली असून, शहरातील वाहतूक सुलभता आणि नागरिकांच्या सोयीसाठी हा प्रकल्प अत्यंत उपयुक्त ठरणार आहे. या रस्त्याच्या बांधकामामुळे वरोरा परिसरातील नागरिकांना वर्षानुवर्षे भेडसावत असलेली रस्त्यांची समस्या दूर होणार आहे.

आमदार करण दादा देवतळे यांनी सांगितले की, “वरोरा शहराचा सर्वांगीण विकास हा माझा ध्यास असून, शहरातील प्रत्येक प्रभागात मूलभूत सुविधा पोहोचवण्यासाठी मी कटिबद्ध आहे.”

या निर्णयामुळे नागरिकांमध्ये आनंदाचे वातावरण असून, शहराच्या विकास प्रवासाला आता अधिक वेग मिळणार आहे.

— 🙏 जय विदर्भ 🙏