वरोरा :- प्रमुख मागण्या,डॉ. राजेंद्र प्रसाद वार्ड चे नाव बदलून “विश्वसाहित्यरत्न लोकशाहीर डॉ. अण्णाभाऊ साठे वार्ड” करण्याची मागणी. कामगार चौक चे नाव बदलून “विश्वसाहित्यरत्न लोकशाहीर डॉ. अण्णाभाऊ साठे कामगार चौक” नामांतरित करण्याची आक्रमक हाक.विश्वसाहित्यरत्न, लोकशाहीर अण्णाभाऊ साठे यांच्या जयंतीनिमित्त वरोरा शहरात मातंग समाज संघटना आक्रमक पवित्र्यात दिसून आली. अण्णाभाऊंच्या विचारांचा व कार्याचा गौरव शहरात कायम राहावा, या उच्च उद्देशासाठी मातंग समाज संघटनेच्या वतीने वरोरा नगरपालिकेच्या **नगराध्यक्ष मा. सौ. अर्चनाताई ठाकरे** यांना अधिकृत निवेदन सादर करण्यात आले.
अण्णाभाऊंनी आपल्या अजरामर साहित्यकृती, लोककला आणि समाजप्रबोधनाच्या माध्यमातून वंचित घटकांपर्यंत समता, बंधुता आणि सामाजिक न्यायाचा संदेश पोहोचवला. त्यांच्या या अतुलनीय कार्याचा उचित सन्मान व्हावा आणि भावी पिढीला त्यांच्या क्रांतिकारी विचारांची प्रेरणा मिळत राहावी, यासाठी शहरातील महत्त्वाच्या वार्ड व चौकाचे नामांतर करण्याची आक्रमक मागणी या निवेदनाद्वारे लावून धरण्यात आली आहे.
उपस्थिती :-या ऐतिहासिक आणि महत्त्वपूर्ण निवेदनावेळी मातंग समाज संघटनेचे युवा नेते व कार्यकर्ते मोठ्या संख्येने उपस्थित होते. यात प्रामुख्याने:खुशाल बावणे (युवा नेते)गणेश बावणे, शेखर बावणे, योगेश बावणे, तेजराज वानखेडे, अजय बावणे, अनिकेत बावणे, साहिल लंगोटे, अविनाश बावणे, राहुल बावणे, रोशन कासारे, अक्षय बावणे, अभिषेक बावणे, राज वानखेडे, धनराज वानखेडे, अनिकेत मुंगले, रवि ससाने, कैलाश लंगोटे
यांसह वरोरा शहरातील समस्त समाजबांधव मोठ्या संख्येने उपस्थित राहून प्रशासनाचे या मागण्यांकडे लक्ष वेधले. आता या नामांतराच्या मागणीवरपालिका प्रशासन काय पावले उचलते, याकडे संपूर्ण वरोरा शहराचे लक्ष लागले आहे.
