🙏🛑लोकमान्य महाविद्यालयात रक्तदान शिबिराचे आयोजन🙏🛑

“🙏रक्तदान हे श्रेष्ठदान🙏 ”

वरोरा : समाजाप्रती आपली जबाबदारी ओळखत लोकमान्य महाविद्यालय, वरोरा येथील राष्ट्रीय सेवा योजना  विभाग व युवा शक्ती विचार मंच च्या वतीने  मंगळवार, दिनांक 10 मार्च 2026 रोजी सकाळी 9.00 ते दुपारी 2.00 या वेळेत रक्तदान शिबिराचे तसेच अवयव दान या आधारा वर रांगोळी स्पर्धेचे आयोजन  करण्यात आले आहे. हे शिबिर महाविद्यालय परिसरात पार पडणार असून नागरिकांनी मोठ्या संख्येने सहभागी व्हावे, असे आवाहन आयोजकांकडून करण्यात आले आहे.

रक्त हे कोणत्याही कारखान्यात तयार होत नाही. ते केवळ रक्तदात्यांमार्फतच उपलब्ध होते आणि गरजू रुग्णांसाठी जीवनदायी ठरते. रक्तदानामुळे शरीरातील रक्तप्रवाह सुरळीत राहतो, नव्या रक्तनिर्मितीस चालना मिळते व अनेक आजारांना आळा बसण्यास मदत होते. विहिरीतील पाणी उपसल्याने जसा प्रवाह वाढतो, त्याप्रमाणे रक्तदानामुळे शरीर निरोगी राहण्यास सहाय्य होते.

एकदा रक्तदानाची सवय लागली की ती रक्ताच्या नात्यासारखी आयुष्यभर टिकते आणि समाजाशी एक दृढ बंध निर्माण करते. सामाजिक बांधिलकी जोपासण्याचा हा उत्तम मार्ग असल्याने युवक-युवतींनी पुढाकार घ्यावा, असे आवाहन करण्यात आले आहे.

हे शिबिर डॉ. हेडगेवार ब्लड बँक, नागपूर यांच्या सहकार्याने तसेच युवाशक्ती विचार मंच, वरोरा यांच्या सौजन्याने आयोजित करण्यात येत आहे.

अधिक माहितीसाठी ☎️ 9765926454,☎️ 9595365652☎️ 8999122978 या क्रमांकांवर संपर्क साधावा.

समाजहितासाठी प्रत्येकाने पुढाकार घेऊन रक्तदान करून जीव वाचविण्याच्या या पवित्र कार्यात सहभागी व्हावे, असे आवाहन महाविद्यालयाच्या वतीने करण्यात आले आहे.

🙏जय विदर्भ🙏