🛑🙏करण देवतळे यांचा सभागृहात शेतकऱ्यांसाठी जोरदार आवाज; शासनाला थेट सवाल 🙏🛑

करण देवतळे यांचा सभागृहात शेतकऱ्यांसाठी जोरदार आवाज; शासनाला थेट सवाल राज्याच्या सभागृहात आज शेतकऱ्यांच्या ज्वलंत प्रश्नांवर आमदार करण देवतळे यांनी आक्रमक भूमिका घेत शासनाला धारेवर धरले. सोयाबीन, कापूस आणि चन्याला मिळत असलेल्या अत्यंत कमी बाजारभावामुळे शेतकरी आर्थिक कोंडीत सापडले असून सरकारने तातडीने हस्तक्षेप करावा, अशी जोरदार मागणी त्यांनी केली.सभागृहात बोलताना त्यांनी ठळकपणे निदर्शनास आणून दिले की, शासनाने चन्याचा हमीभाव ₹५,८५० जाहीर केला असला तरी प्रत्यक्ष बाजारात शेतकऱ्यांना केवळ सुमारे ₹४,१०० दर मिळत आहे. त्यामुळे शेतकऱ्यांचे मोठे आर्थिक नुकसान होत असून सरकारची हमीभाव धोरणे कागदावरच राहिली आहेत का, असा थेट सवाल त्यांनी उपस्थित केला.याशिवाय अवकाळी पावसामुळे चना, गहू, तूर आणि मिरची पिकांचे मोठे नुकसान झाले असल्याचेही त्यांनी सांगितले. अनेक शेतकऱ्यांना चणा साठवून ठेवावा लागत आहे; मात्र हमीभाव खरेदीसाठी नोंदणी प्रक्रिया अद्याप सुरू नसल्याने शेतकरी अडचणीत सापडले आहेत, असे त्यांनी ठामपणे मांडले.सुमारे २२,४२८ हेक्टर क्षेत्रातील चन्याची तातडीने खरेदी सुरू करावी, हमीभाव केंद्रे त्वरित कार्यान्वित करावीत आणि शेतकऱ्यांना दिलासा द्यावा, अशी आग्रही मागणी त्यांनी शासनाकडे केली.सभागृहात त्यांच्या या मुद्देसूद आणि आक्रमक भूमिकेमुळे सरकारवर दबाव वाढला असून, शेतकऱ्यांच्या प्रश्नांवर तातडीने निर्णय घेण्याची अपेक्षा व्यक्त केली जात आहे.