🙏⭕ धान उत्पादक शेतकऱ्यांना दिलासा देण्यासाठी प्रती हेक्टर 20000 बोनस जाहीर करण्याची मागणी लोकप्रिय आमदार सुधीर भाऊ मुनगंटीवार यांनी शासनाकडे केली आहे ⭕🙏

वरोरा: ✍️अभिषेक भागडे, वरोरा धान उत्पादक शेतकऱ्यांना दिलासा देण्यासाठी ‘प्रति हेक्टर 20 हजार बोनस’ जाहीर करण्याची मागणी वेगाने जोर पकडत असून, शेतकऱ्यांच्या अपेक्षांना चालना मिळाली आहे.

चंद्रपूर जिल्ह्यात अवकाळी पावसाने मोठ्या प्रमाणात हाहाकार माजवला. धान पिकांचे मोठे नुकसान झाल्याने शेतकऱ्यांवर आर्थिक संकट कोसळले आहे. या पार्श्वभूमीवर धान उत्पादक शेतकऱ्यांना तातडीने आर्थिक आधार मिळावा यासाठी प्रति हेक्टर 20 हजार रुपयांचा बोनस जाहीर करावा, अशी ठोस मागणी आमदार सुधीर मुनगंटीवार यांनी मुख्यमंत्री श्री. एकनाथ शिंदे यांच्याकडे केली आहे.

अवकाळी पावसामुळे पिकांचे मोठ्या प्रमाणात झालेले नुकसान, शिवारात उभे असलेले पाणी, अर्धवट नुकसानीत गेलेले धान आणि सरकारकडून मदतीची अपेक्षा अशा स्थितीत शेतकऱ्यांवर दुहेरी संकट आले आहे. यामुळे शेतकरी आर्थिकदृष्ट्या कोलमडण्याच्या अवस्थेत पोहोचले असून तातडीच्या मदतीची गरज निर्माण झाली आहे.

आमदार मुनगंटीवार म्हणाले की, “सरकारने शेतकऱ्यांना वर्तमान परिस्थितीची जाणीव ठेवून तातडीचा दिलासा देणे अत्यावश्यक आहे. धान उत्पादक शेतकऱ्यांना बोनस दिल्यास त्यांना मोठा हातभार मिळेल आणि अवकाळी पावसामुळे झालेल्या नुकसानीवर काही प्रमाणात मात करता येईल.”

नागपूर विभागातही धान उत्पादक शेतकऱ्यांचे मोठ्या प्रमाणावर नुकसान झाल्याचे अहवाल सार्वजनिक झाले आहेत. त्या पार्श्वभूमीवर संपूर्ण राज्यातील धान शेतकऱ्यांना समान न्याय देत प्रति हेक्टर 20 हजार रुपयांचा बोनस देण्याची मागणी राज्यभरातून होत आहे.

शेतकऱ्यांच्या प्रश्नांवर संवेदनशीलतेने लक्ष देत, ही मागणी सरकारने तातडीने मान्य करून निर्णय घ्यावा, अशी अपेक्षा कृषी क्षेत्रातून व्यक्त होत आहे. शेतकऱ्यांच्या हितासाठी ही मागणी मंजूर होणे अत्यंत गरजेचे असल्याचेही आमदार सुधीर मुनगंटीवार यांनी स्पष्ट केले आहे.
—🙏 जय विदर्भ🙏—
—✍️ स्वतंत्र विदर्भ न्यूज, पोर्टल. वरोरा { जाहिराती आणि बातमीसाठी संपर्क साधा. ☎️ 96735747111☎️ 8329889732 }