वरोरा : – अभिषेक किशोर भागडे
वरोरा :- हिंदू समाजातील एकात्मता वृद्धिंगत करण्यासाठी आणि धर्मजागृतीसाठी उद्या, रविवार दिनांक ५ एप्रिल २०२६ रोजी वरोरा शहरात ‘विशाल हिंदू संमेलना’चे भव्य आयोजन करण्यात आले आहे. या सोहळ्यात धार्मिक कार्यक्रमांसोबतच समाज प्रबोधनाचा जागर होणार असून, सकल हिंदू समाजात मोठा उत्साह दिसून येत आहे.
कार्यक्रमाचे प्रमुख आकर्षण: भव्य कलश यात्रा व झाकी
उद्याच्या सोहळ्याची सुरुवात महिलांच्या भव्य कलश यात्रेने होणार आहे. या यात्रेत हिंदू धर्मातील विविध जाती-धर्मांच्या देवी-देवतांच्या विलोभनीय झाकींचे (चित्ररथ) दर्शन घडणार आहे. या माध्यमातून ‘विविधतेत एकता’ हा संदेश जनमानसापर्यंत पोहचवला जाईल. तसेच, शहरातील विविध भजन मंडळांचा सहभाग या सोहळ्यात राहणार असून, भजनांच्या गजराने संपूर्ण वरोरा शहर भक्तिमय होणार आहे.
हिंदुत्ववादी कार्यकर्त्यांचा सन्मान आणि मार्गदर्शन
हिंदू समाजाच्या जागृतीसाठी आणि रक्षणासाठी अहोरात्र परिश्रम घेणाऱ्या ‘हिंदुजन’ कार्यकर्त्यांचा या प्रसंगी विशेष गौरव व सत्कार करण्यात येणार आहे. कार्यक्रमाच्या मुख्य सत्रात प्रमुख वक्त्यांचे दिशादर्शक उद्बोधन होणार आहे. सद्यस्थितीत हिंदू समाजापुढील आव्हाने आणि भविष्यातील वाटचाल यावर तज्ज्ञ वक्ते मार्गदर्शन करतील.
🙏महत्वाचे तपशील🙏
👉 दिनांक: ५ एप्रिल २०२६ (उद्या) वेळ :- सायंकाळी पाच वाजता पासून.
🛑 प्रमुख कार्यक्रम: कलश यात्रा, भजन, झाकी दर्शन, सत्कार समारंभ आणि प्रबोधन.🛑
👉 विशेष: सोहळ्याच्या शेवटी सर्व भाविकांसाठी महाप्रसादाचे आयोजन करण्यात आले आहे. कार्यक्रमाचे स्थळ :- हनुमान मंदिर, चीरघरप्लॉट, वरोरा आवाहन :-“हा सोहळा केवळ एक कार्यक्रम नसून हिंदू अस्मितेचा हुंकार आहे. तरी समस्त वरोरावासीय आणि सकल हिंदू बांधवांनी या विशाल संमेलनाला सहकुटुंब उपस्थित राहून कार्यक्रमाची शोभा वाढवावी,” असे आवाहन आयोजकांच्या वतीने करण्यात आले आहे.
🙏 जय विदर्भ 🙏
