चंद्रपूर :- अभिषेक किशोर भागडे
अध्यात्म आणि विज्ञानाचा संगम साधत हजारो साधकांना आत्मिक शांतीची वाट दाखवणारे मुक्तेश्वरी गुरुपीठाचे प. पू. सद्गुरू दादाश्री महाराज यांच्या पावन सानिध्यात तेलंगणा विभागात भव्य आध्यात्मिक सोहळ्याचे आयोजन करण्यात आले आहे. रविवार, २९ मार्च २०२६ रोजी कवडाला येथील कन्यका परमेश्वरी सभागृहात ‘सूक्ष्मध्यान साधना शिबीर’ आणि ‘महासत्संग’ पार पडणार आहे.
या कार्यक्रमामुळे संपूर्ण परिसरात चैतन्यमय आणि सकारात्मक वातावरण निर्माण झाले असून, तेलंगणासह सीमावर्ती भागातील हजारो साधक या सोहळ्याला उपस्थित राहण्याची शक्यता वर्तवण्यात येत आहे.
दिवसभराचा कार्यक्रम असा असेल:
सद्गुरूंच्या मार्गदर्शनाखाली होणाऱ्या या शिबिराचे नियोजन अत्यंत शिस्तबद्ध पद्धतीने करण्यात आले आहे:
⭕वेळ कार्यक्रम : – सकाळी ९:०० ते ११:०० सूक्ष्मध्यान साधना सत्र ⭕
⭕ सकाळी ११:३० ते २:०० भव्य महासत्संग ⭕
⭕ दुपारी २:०० नंतर, महाप्रसाद वितरण ⭕
आत्मिक समाधानाचा सुवर्णयोग
सद्गुरू दादाश्री महाराजांच्या सानिध्यात ध्यान साधना करणे ही साधकांसाठी एक दुर्मिळ आणि प्रेरणादायी अनुभूती असते. धकाधकीच्या जीवनात मानसिक शांतता आणि आध्यात्मिक प्रगतीसाठी हे शिबीर अत्यंत महत्त्वाचे मानले जात आहे.
“हा केवळ एक कार्यक्रम नसून स्वतःच्या आत डोकावून पाहण्याची आणि सद्गुरूंच्या ऊर्जेचा अनुभव घेण्याची संधी आहे. जास्तीत जास्त भाविकांनी या पवित्र वातावरणाचा लाभ घ्यावा.”
🛑आयोजक समिती, कवडाला🛑
आयोजकांच्या वतीने तेलंगणा विभागातील सर्व भाविक आणि साधक बंधू-भगिनींना या कार्यक्रमाला उपस्थित राहण्याचे कळकळीचे आवाहन करण्यात आले आहे. सत्संगानंतर सर्व उपस्थित भाविकांसाठी महाप्रसादाची सुयोग्य व्यवस्था करण्यात आली आहे.
स्थळ: कन्यका परमेश्वरी सभागृह, कवडाला (तेलंगणा).
दिनांक: रविवार, २९ मार्च २०२६.
🙏 जय विदर्भ 🙏
