🛑🙏मानोरा फाटा अपघातप्रवण; तात्काळ उपाययोजनांची मागणी🛑🙏

भद्रावती : मा. मुकेशभाऊ जीवतोडे यांच्या मार्गदर्शनाखाली  शिवसेनेचे दमदार नगराध्यक्ष यांनी भद्रावती नगर परिषद क्षेत्रातील चंद्रपूर–नागपूर राज्य महामार्गावरील मनोरा फाटा ( जामघाट  हॉटेल जवळ) हा परिसर दिवसेंदिवस अपघातप्रवण ठरत असून या ठिकाणी तात्काळ पर्यायी उपाययोजना करण्यात याव्यात, अशी जोरदार मागणी भद्रावती नगर परिषद अध्यक्ष प्रफुल रामदास चटकी यांनी सार्वजनिक बांधकाम विभागाकडे केली आहे.

याबाबत सार्वजनिक बांधकाम विभाग क्र. २, चंद्रपूर येथील कार्यकारी अभियंत्यांना पत्र देऊन त्यांनी लक्ष वेधले. मानोरा फाटा हा चोरा–चंद्रपूर तसेच गोडाजी मार्गे येणाऱ्या वाहनांसाठी अत्यंत महत्त्वाचा मार्ग असून येथे सतत मोठ्या प्रमाणात वाहतूक सुरू असते. या रस्ता क्रॉसिंगवर वेगाने धावणाऱ्या वाहनांमुळे वारंवार अपघात घडत असून अनेकांना जीव गमवावा लागल्याच्या घटना घडल्या आहेत. आतापर्यंत या ठिकाणी अनेक गंभीर अपघात झाल्यामुळे नागरिकांमध्ये भीतीचे वातावरण निर्माण झाले आहे.

या पार्श्वभूमीवर भविष्यातील अपघात व जिवितहानी टाळण्यासाठी संबंधित विभागाने तातडीने उपाययोजना कराव्यात, जसे की योग्य सिग्नल व्यवस्था, स्पीड ब्रेकर, चेतावणी फलक किंवा अन्य पर्यायी योजना राबवून हा अपघातप्रवण ठिकाण सुरक्षित करावा, अशी मागणी करण्यात आली आहे.

मानोरा फाट्यावर सातत्याने घडणाऱ्या अपघातांमुळे स्थानिक नागरिक आणि वाहनचालकांमध्ये तीव्र नाराजी असून प्रशासनाने याकडे तात्काळ लक्ष देण्याची गरज व्यक्त केली जात आहे.

🙏जय विदर्भ🙏