🛑🙏 महिला दिनानिमित्त आशा वर्कर व आरोग्य सेविकांचा गौरव🙏🛑

महिला दिनानिमित्त आशा वर्कर व आरोग्य सेविकांचा गौरव आंतरराष्ट्रीय महिला दिनानिमित्त परिसरातील आशा वर्कर व आरोग्य सेविका यांचा सन्मान सोहळा उत्साहात पार पडला. या निमित्ताने माजी सैनिक सचिन धात्रक व समाजसेविका सौ. पूजा सचिन धात्रक यांच्या हस्ते आशा वर्कर व आरोग्य सेविकांना लॅपटॉप बॅग देऊन त्यांचा गौरव करण्यात आला.या कार्यक्रमात डॉ. निर्मल कपले वैद्यकीय अधिकारी, माढेळी, जी. एस. बागेसर. आरोग्य सहाय्यक, तसेच पाहपळे सर,जाधव आरोग्य सेवक व इतर मान्यवर उपस्थित होते.

समाजाच्या आरोग्य व्यवस्थेत आशा वर्कर व आरोग्य सेविका अत्यंत महत्त्वाची भूमिका बजावत आहेत. ग्रामीण तसेच शहरी भागात नागरिकांपर्यंत आरोग्य सेवा पोहोचवण्यासाठी त्या सातत्याने मेहनत घेत असून जनजागृती, आरोग्य तपासणी, लसीकरण आणि विविध आरोग्य उपक्रमांमध्ये त्यांचे मोठे योगदान आहे. त्यांच्या या निस्वार्थ सेवाभावाचा गौरव करण्यासाठी महिला दिनाच्या निमित्ताने हा सन्मान सोहळा आयोजित करण्यात आला होता.

यावेळी उपस्थित मान्यवरांनी आशा वर्कर व आरोग्य सेविकांच्या कार्याचे मनापासून कौतुक करत त्यांच्या सेवाभावी वृत्तीचे अभिनंदन केले. समाजाच्या आरोग्य व्यवस्थेला बळकटी देण्यात त्यांचे योगदान अनमोल असल्याचेही यावेळी नमूद करण्यात आले.

कार्यक्रमात अनेक मान्यवर, आरोग्य कर्मचारी तसेच स्थानिक नागरिक मोठ्या संख्येने उपस्थित होते. कार्यक्रमाच्या शेवटी सर्व आशा वर्कर व आरोग्य सेविकांचे आभार मानून त्यांच्या पुढील कार्यासाठी शुभेच्छा देण्यात आल्या.

🙏जय विदर्भ🙏