🙏🛑 चंद्रपूर महापालिकेत काँग्रेसमध्ये अंतर्गत वाद; स्थायी समिती निवडीतून धानोरकर गट नाराज🙏🛑

चंद्रपूर : चंद्रपूर शहर महानगरपालिकेत आज स्थायी समिती सदस्यांच्या निवडीदरम्यान काँग्रेसमध्ये अंतर्गत वाद उफाळून आला. काँग्रेसमधील गटबाजी आता उघडपणे समोर आली असून या निवडीमुळे पक्षात फूट पडल्याचे स्पष्ट झाले आहे.

महापालिकेच्या विशेष सभेत स्थायी समितीच्या ७ सदस्यांची निवड करण्यात आली. सर्वांचे लक्ष काँग्रेस कोणाला संधी देते याकडे लागले होते. मात्र गटनेते राजेश अडूर यांनी जाहीर केलेल्या यादीत खासदार प्रतिभा धानोरकर यांच्या समर्थकांना स्थान देण्यात आले नसल्याचा आरोप करण्यात आला. यामुळे धानोरकर गटाच्या नगरसेवकांनी तीव्र नाराजी व्यक्त करत सभागृहातच आक्रमक भूमिका घेतली.

काँग्रेसकडून स्थायी समितीत निवड झालेले सदस्य पुढीलप्रमाणे
१) वसंत देशमुख
२) सचिन कल्याल
३) राजेश अडूर (गटनेते)
४) संजीवनी वासेकर
५) चंदा वैरागडे
६) सोफीया तवंगर
७) विनोद लभाने

निवडीनंतर धानोरकर गटाचे नगरसेवक संतप्त झाले. राजेश अडूर यांनी लोकशाहीला हरताळ फासून मनमानी पद्धतीने ही नावे जाहीर केल्याचा आरोप त्यांनी केला. पक्षातील निष्ठावंतांना डावलून केवळ एका गटाची हुकूमशाही चालवली जात असल्याचा आरोप करत धानोरकर गटाने सभागृहातून बाहेर पडत निषेध नोंदवला.या संपूर्ण प्रकरणामुळे चंद्रपूर काँग्रेसमधील वाद आता निर्णायक टप्प्यावर पोहोचल्याचे बोलले जात असून, आगामी काळात या वादाचे पडसाद वरिष्ठ स्तरावर उमटण्याची शक्यता व्यक्त केली जात आहे.

🙏जय विदर्भ🙏