🛑🙏NMMS परीक्षेत पीएमश्री आनंदवन शाळेचा झेंडा उंच; ६ विद्यार्थ्यांचे उल्लेखनीय यश 🙏🛑

आनंदवन :-वरोरा पंचायत समिती अंतर्गत असलेल्या पीएमश्री जिल्हा परिषद उच्च प्राथमिक शाळा, आनंदवन येथील विद्यार्थ्यांनी राष्ट्रीय आर्थिक दुर्बल घटक शिष्यवृत्ती (NMMS) परीक्षेत उल्लेखनीय यश संपादन करून शाळेचा मान उंचावला आहे. इयत्ता आठवीच्या तब्बल सहा विद्यार्थ्यांनी चांगल्या गुणांनी ही परीक्षा उत्तीर्ण होत आपल्या कर्तृत्वाची छाप पाडली आहे.दरवर्षी घेतल्या जाणाऱ्या या महत्त्वपूर्ण परीक्षेत समर राऊत, कनक राऊटेल, सानिया अहिरकर, कार्तिक मेश्राम, अमृता गोरवे आणि प्रतीक लांडगे या विद्यार्थ्यांनी उज्ज्वल यश मिळवले. त्यांच्या या यशामुळे शाळा आणि परिसरात आनंदाचे वातावरण निर्माण झाले आहे.या विद्यार्थ्यांच्या यशामागे शाळेचे मुख्याध्यापक श्री. नागाजी साळवे यांचे मार्गदर्शन लाभले. तसेच शिक्षक श्री. संदेश चिकाटे, श्री. विजय बांदुरकर आणि श्री. विलास मुरस्कर यांनी विद्यार्थ्यांना सातत्याने मार्गदर्शन करत अथक परिश्रम घेतले.विद्यार्थ्यांच्या या यशाबद्दल आनंदवन संस्थेचे विश्वस्त श्री. कडू सर, अध्यक्ष श्री. बोथले, सदस्य श्री. हेमाणे, श्री. मेश्राम, श्री. ठाकरे, श्री. शेंडे, श्री. शास्त्रकार तसेच इतर सर्व सदस्य आणि शाळेतील शिक्षकवृंद यांनी विद्यार्थ्यांचे मनापासून अभिनंदन केले.

या यशामुळे विद्यार्थ्यांचा आत्मविश्वास वाढला असून, भविष्यातही ते अशाच प्रकारे उज्ज्वल कामगिरी करतील, असा विश्वास व्यक्त करण्यात आला आहे.