🛑🙏 वरोरातील नाल्यांची दुरवस्था गंभीर, संतोष पवार यांचा नगरपरिषदेला थेट इशारा! 🙏🛑

वरोरा : अभिषेक भागडे

वरोरा शहरातील प्रभाग क्रमांक ३ मधील कृष्णानगरी, आशीर्वाद ले-आऊट, विनायक ले-आऊट, सुंदरवन व देशपांडे ले-आऊट परिसरातील नाल्यांची अवस्था अत्यंत दयनीय झाली असून नागरिकांचे आरोग्य धोक्यात आले आहे. दोन वर्षांपासून नाल्यांची स्वच्छता न झाल्याने सांडपाणी तुंबले असून दुर्गंधी, डासांचा प्रादुर्भाव आणि आजारांचा धोका वाढला आहे.

या गंभीर प्रश्नाकडे नगरपरिषदेचे जाणीवपूर्वक दुर्लक्ष होत असल्याचा आरोप करीत नगरसेवक व भाजप शहराध्यक्ष संतोष सुरेश पवार यांनी नगरपरिषदेच्या मुख्याधिकाऱ्यांना थेट निवेदन देत तातडीने नाल्यांची सफाई करण्याची मागणी केली आहे.

पावसाळ्याच्या काळात नाल्यांमधून पाणी रस्त्यावर वाहत असून नागरिकांच्या घरात पाणी शिरण्याचे प्रकार घडत आहेत. लहान मुले, वृद्ध आणि महिलांना याचा मोठा त्रास सहन करावा लागत आहे. तरीही संबंधित विभाग केवळ कागदी कारभारात अडकून असल्याचे चित्र आहे.

“नागरिकांच्या आरोग्याशी खेळ सहन केला जाणार नाही. तात्काळ सर्व नाल्यांची स्वच्छता करून कायमस्वरूपी उपाययोजना न केल्यास तीव्र आंदोलन छेडले जाईल,” असा खणखणीत इशारा संतोष पवार यांनी दिला आहे.

शहर स्वच्छतेच्या गप्पा मारणाऱ्या प्रशासनाची खरी परीक्षा आता या भागात होणार असून, नगरपरिषद नेमकी कधी जागी होणार? असा संतप्त सवाल नागरिकांकडून उपस्थित केला जात आहे.

🙏🏼जय विदर्भ🙏🏼
बातमी व जाहीराती साठी संपर्क साधा.
☎️ 9673574711
☎️ 8329889732