🛑🙏 स्थानिकांना डावलून ‘पार्सल’उमेदवार लादले 🙏🛑

🔥 स्थानिकांना डावलून ‘पार्सल’ उमेदवार लादले!

🔥 अंकित जोगी समर्थक संतप्त — भाजपमध्ये उघड बंडखोरीची ठिणगी

चंद्रपूर : ✍️ अभिषेक भागडे

चंद्रपूर महानगरपालिका निवडणुकीच्या तोंडावर भारतीय जनता पक्षात अंतर्गत कलहाचा स्फोट झाला असून, पक्षाच्या निर्णयांमुळे कार्यकर्त्यांमध्ये प्रचंड असंतोष उसळला आहे.
स्थानिक निष्ठावंत कार्यकर्त्यांना डावलून अन्य प्रभागातील तथाकथित “पार्सल उमेदवार” लादल्याने भाजपच्या गोटात अस्वस्थता वाढत चालली आहे.

गेल्या काही दिवसांपासून चंद्रपूर महानगरपालिका निवडणुकीकडे संपूर्ण शहराचे लक्ष लागले असताना, भाजप नेतृत्वाने घेतलेले निर्णयच आता पक्षासाठी डोकेदुखी ठरत आहेत.
पक्षातील १७ ते १८ निष्ठावंत, मैदानात काम करणाऱ्या कार्यकर्त्यांची तिकिटे कापून, त्यांच्या जागी निष्क्रिय, जनाधार नसलेल्या उमेदवारांना उमेदवारी देण्यात आल्याचा आरोप होत आहे.

विशेषतः चंद्रपूर शहरातील बंगाली कॅम्प प्रभाग क्रमांक ४, नामाप्र. ब गटामध्ये स्थानिक उमेदवाराला डावलून इतर प्रभागातील बाहेरून आणलेल्या उमेदवाराला तिकीट जाहीर करण्यात आल्याने अंकित जोगी यांच्या समर्थकांमध्ये तीव्र संताप उसळला आहे.
“आमच्यावर अन्याय झाला”, “मेहनती कार्यकर्त्यांची थट्टा करण्यात आली” अशा भावना आता उघडपणे व्यक्त केल्या जात आहेत.

फक्त एकाच प्रभागात नव्हे, तर चंद्रपूर शहरातील अनेक प्रभागांत हेच चित्र दिसून येत असून, भाजपमधील नाराजी दिवसेंदिवस अधिक गडद होत चालली आहे.
या घडामोडींमुळे भाजपचा पारंपरिक मतदार संभ्रमात पडला असून, पक्षाच्या विजयाच्या दाव्यांवरच प्रश्नचिन्ह उपस्थित झाले आहे.

ही परिस्थिती कायम राहिल्यास,
👉 चंद्रपूर महानगरपालिकेवर भाजपचा झेंडा फडकवण्याचे स्वप्न धोक्यात येण्याची चिन्हे स्पष्ट दिसू लागली आहेत.
👉 “पक्षासाठी जीव ओतणाऱ्यांना डावलून बाहेरच्यांना संधी देणे हीच भाजपची मोठी चूक ठरू शकते” अशी चर्चा आता राजकीय वर्तुळात रंगू लागली आहे.

आता प्रश्न एकच —
❓ पक्ष नेतृत्व वेळेत जागं होणार का?
❓ नाराज कार्यकर्त्यांची मनधरणी होणार का?
❓ की ही नाराजी भाजपसाठी निवडणुकीत महागात पडणार?

चंद्रपूरच्या राजकारणात वादळाची नांदी निश्चितच झाली आहे… 🔥
-🙏🏼जय विदर्भ �-
बातमी आणि जाहिरातीसाठी संपर्क साधा.
☎️ 9673574711
☎️ 8329889732