🛑🙏 कंबोडियातील किडनी रॉकेटचा मास्टरमाईंड बेनकाब!🙏🛑

कंबोडियातील किडनी रॅकेटचा मास्टरमाइंड बेनकाब!

फेसबुकवरून गरीब युवकांना गाठून परदेशात किडनी काढण्याचा काळा धंदा

प्रत्येक युवकामागे लाखोंचा सौदा; पोलिसांची मोठी कारवाई

चंद्रपूर : अभिषेक भागडे

कर्जबाजारी शेतकरी, बेरोजगार व गरीब मजूर युवकांना पैशांचे आमिष दाखवून कंबोडियात नेऊन किडनी काढण्याचा आंतरराष्ट्रीय काळा धंदा चंद्रपूर जिल्ह्यातून चालवला जात असल्याचा थरकाप उडवणारा खुलासा पोलिस तपासात झाला आहे. या प्रकरणातील मुख्य सूत्रधार रामकृष्ण मलेशम सुंचू याला अटक करण्यात आली असून, एकामागून एक धक्कादायक राज उघड होत आहेत.

🔴 फेसबुकवरून जाळे – ‘किडनी डोनर’ पेजद्वारे युवकांची फसवणूक

आरोपी रामकृष्ण फेसबुकवर ‘किडनी डोनर’ नावाने पेज चालवत होता. आर्थिक अडचणीत असलेले युवक या पेजवर संपर्क साधताच, त्यांना परदेशात मोठ्या रकमेचे आमिष दाखवले जात होते. प्रत्यक्षात मात्र, त्यांची किडनी काढून घेतली जात होती आणि मोबदला तुटपुंजा दिला जात होता.

🔴 १० ते १२ युवकांची किडनी काढल्याची कबुली

तपासात आरोपीने कबूल केले की,

भारतातील विविध राज्यांमधील १० ते १२ गरीब युवकांना फसवून कंबोडियात पाठवण्यात आले

तेथे खासगी रुग्णालयात डॉक्टरांच्या मदतीने किडनी काढण्यात आली

प्रत्येक प्रकरणामागे आरोपीला सुमारे १ लाख रुपयांचा कमिशन मिळत होत.

🔴 किडनी विकणाऱ्याला ८ लाख; व्यवहार देशांतर्गत खात्यात

या प्रकरणात नागभीड तालुक्यातील मिश्र कुटे हा कर्जबाजारी शेतकरी महाराष्ट्रातील एकमेव किडनी विकणारा लाभार्थी असल्याचे तपासात पुढे आले आहे.
त्याला किडनी विक्रीपोटी ८ लाख रुपये मिळाले, ही रक्कम भारतामधीलच एका बँक खात्यात ट्रान्सफर करण्यात आली. पोलिस आता त्या खातेदाराचा शोध घेत आहेत.

🔴 कंबोडियातील वादग्रस्त रुग्णालय; आंतरराष्ट्रीय तक्रारी

पोलिस अधीक्षकांनी दिलेल्या माहितीनुसार,

संबंधित रुग्णालय हे मिलिटरी हॉस्पिटल असल्याचे आरोपीने सांगितले

मात्र, हेच रुग्णालय ग्रेह कट मेली हॉस्पिटल म्हणून कुप्रसिद्ध

याआधी इंडोनेशिया व बांगलादेशमधून तक्रारी झाल्याने काही काळ रुग्णालय बंदही होते.

🔴 परदेश दौऱ्यांचे रेकॉर्ड तपासात; स्वतंत्र पथके नेमली

या प्रकरणात आरोपींच्या परदेश दौऱ्यांच्या डिटेल्स, आर्थिक व्यवहार, एजंट साखळी यांचा कसून तपास सुरू आहे.
नवे धागेदोरे मिळताच स्वतंत्र तपास पथके तयार करून कारवाई केली जाईल, असा इशारा पोलिसांनी दिला आहे.

⚠️ गरिबांच्या देहावरचा सौदा – मानवतेला काळिमा

ही घटना म्हणजे गरिबीचा गैरफायदा घेत मानवी अवयवांचा व्यापार करणाऱ्या रॅकेटचा काळा चेहरा आहे. लाखोंच्या नफ्यासाठी गरीबांचे आयुष्य उद्ध्वस्त करणाऱ्या या टोळीवर कठोरात कठोर कारवाईची मागणी सर्व स्तरांतून होत आहे.

-🙏 जय विदर्भ🙏- बातमी आणि जाहिरातीसाठी संपर्क साधा.☎️ 9673574711 ☎️ 8329889732