🙏⭕22 डिसेंबर 2025 ला चंद्रपूर जिल्ह्यात आरोग्य सेवेचा नवा अध्याय!⭕🙏

२२ डिसेंबरला चंद्रपूरच्या आरोग्यसेवेचा नवा अध्याय!
चंद्रपूर कॅन्सर हॉस्पिटलचे भव्य लोकार्पण; सरसंघचालक मोहनजी भागवत व मुख्यमंत्री देवेंद्र फडणवीस यांची प्रमुख उपस्थिती

चंद्रपूर, ✍️अभिषेक भागडे
चंद्रपूर जिल्ह्याच्या आरोग्यसेवेत ऐतिहासिक ठरणारा क्षण येत्या २२ डिसेंबर रोजी साकार होणार असून, अत्याधुनिक सुविधांनी सुसज्ज चंद्रपूर कॅन्सर हॉस्पिटलचे लोकार्पण या दिवशी मोठ्या उत्साहात होणार आहे. या लोकार्पण सोहळ्याच्या पार्श्वभूमीवर आज कॅन्सर हॉस्पिटलची सखोल पाहणी करून पूर्वतयारीचा सविस्तर आढावा घेण्यात आला.

या लोकार्पण सोहळ्यास राष्ट्रीय स्वयंसेवक संघाचे सरसंघचालक परम पूजनीय मोहनजी भागवत तसेच महाराष्ट्र राज्याचे मुख्यमंत्री मा. देवेंद्रजी फडणवीस यांची प्रमुख उपस्थिती लाभणार असल्याने कार्यक्रमाचे महत्त्व अधिकच वाढले आहे. जिल्ह्यातील नागरिकांसह विदर्भातील कर्करोगग्रस्त रुग्णांसाठी हा प्रकल्प मोठा दिलासा देणारा ठरणार आहे.

आजच्या पाहणीदरम्यान माननीय जिल्हाधिकारी यांच्यासह आरोग्य, सार्वजनिक बांधकाम, पोलीस, महापालिका तसेच इतर संबंधित विभागांचे वरिष्ठ अधिकारी उपस्थित होते. हॉस्पिटलमधील वैद्यकीय सुविधा, रुग्णसेवा व्यवस्था, स्वच्छता, सुरक्षा, वाहतूक नियोजन व कार्यक्रमस्थळी आवश्यक असलेल्या सर्व बाबींची तपासणी करण्यात आली. जिल्ह्याच्या आरोग्य क्षेत्रातील महत्त्वपूर्ण टप्पा ठरणाऱ्या या उपक्रमाच्या तयारीबाबत संबंधित अधिकाऱ्यांना आवश्यक सूचना व स्पष्ट निर्देश देण्यात आले.आत्याधुनिक उपकरणे, तज्ज्ञ डॉक्टरांची सेवा आणि सर्वसामान्य रुग्णांना परवडणारी उपचारपद्धती यांमुळे चंद्रपूर कॅन्सर हॉस्पिटल विदर्भातील आरोग्यसेवेसाठी मैलाचा दगड ठरेल, असा विश्वास यावेळी व्यक्त करण्यात आला. २२ डिसेंबरच्या लोकार्पणानंतर कर्करोग उपचारासाठी रुग्णांना आता दूरच्या शहरांकडे धाव घ्यावी लागणार नाही, हे या प्रकल्पाचे सर्वात मोठे वैशिष्ट्य ठरणार आहे.—🙏 जय विदर्भ 🙏— बातमी आणि जाहिरातीसाठी संपर्क साधा. ☎️ 8329889732 ☎️ 9673574711