महाराष्ट्रासाठी गौरवास्पद क्षण…!
मुख्यमंत्री देवेंद्र फडणवीस यांना ‘डॉ. पंजाबराव देशमुख स्मृती पुरस्कार २०२५’ जाहीर
✍️ स्वतंत्र विदर्भ न्यूज,पोर्टल. वरोरा
मुंबई/नागपूर :
महाराष्ट्राच्या राजकीय, प्रशासकीय व सामाजिक जीवनात अभिमानाचा क्षण निर्माण झाला आहे. महाराष्ट्राचे लाडके मुख्यमंत्री मा. देवेंद्र फडणवीस यांना श्री शिवाजी शिक्षण संस्थेतर्फे ‘डॉ. पंजाबराव देशमुख स्मृती पुरस्कार २०२५’ जाहीर करण्यात आला आहे. या सन्मानामुळे संपूर्ण राज्यात आनंद व गौरवाची भावना व्यक्त होत असून विविध स्तरांतून अभिनंदनाचा वर्षाव होत आहे.
स्वातंत्र्यसैनिक, शिक्षणमहर्षी व देशाचे पहिले कृषिमंत्री डॉ. पंजाबराव देशमुख यांच्या स्मृतीप्रित्यर्थ दिला जाणारा हा पुरस्कार सामाजिक बांधिलकी, शिक्षण, शेतकरीहित, सुशासन व लोककल्याणाच्या कार्यासाठी दिला जातो. मुख्यमंत्री देवेंद्र फडणवीस यांनी आपल्या कार्यकाळात पारदर्शक प्रशासन, विकासाभिमुख धोरणे, पायाभूत सुविधांचा वेगवान विस्तार, शेतकरी व युवकांसाठी निर्णायक पावले, तसेच कायदा-सुव्यवस्थेचा बळकट कारभार यांद्वारे राज्याच्या प्रगतीला नवी दिशा दिली आहे. त्यांच्या या उल्लेखनीय कार्याची दखल घेऊन हा प्रतिष्ठेचा पुरस्कार जाहीर करण्यात आला आहे.
विदर्भाच्या सर्वांगीण विकासासाठी घेतलेले निर्णय, सिंचन, उद्योग, रोजगारनिर्मिती, शिक्षण व आरोग्य क्षेत्रातील सुधारणा, तसेच महाराष्ट्राला देशपातळीवर अग्रस्थानी नेण्याची ठाम भूमिका—या सर्व बाबींचा या सन्मानात गौरव झाला आहे.
या गौरवप्रसंगी स्वतंत्र विदर्भ न्यूज पोर्टल तर्फे मा. मुख्यमंत्री देवेंद्र फडणवीस साहेबांचे मनःपूर्वक अभिनंदन व शुभेच्छा. त्यांच्या नेतृत्वाखाली महाराष्ट्र अधिक सक्षम, समृद्ध व प्रगत होवो, अशीच सदिच्छा व्यक्त करण्यात येत आहे.
🙏 स्वतंत्र विदर्भ न्यूज,पोर्टल🙏—🙏 जय विदर्भ🙏—{ बातमी आणि जाहिरातीसाठी संपर्क साधा. ☎️9673574711☎️8329889732}
