Breaking News

🙏राज्यस्तरीय व्हॉलीबॉल स्पर्धेसाठी लोकमान्य संघाची निवड, 🙏

Editor

19 October 2025

राज्यस्तरीय व्हॉलीबॉल स्पर्धेसाठी लोकमान्यच्या संघाची निवड ….
क्रीडा व युवक सेवा संचालनालय महाराष्ट्र राज्य पुणे अंतर्गत जिल्हा क्रीडा अधिकारी गडचिरोली यांच्यातर्फे आयोजित विभाग स्तरीय व्हॉलीबॉल स्पर्धेत लोकमान्य कनिष्ठ महाविद्यालयातील 19 वर्षे वयोगटातील मुलींचा संघ गोंदिया येथील मुलींच्या संघासोबतच्या अंतिम चुरशीच्या सामन्यात विजयी ठरला. सृष्टी मोहन चट्टे, राशी विनेशचंद्र मांडवकर, संचिता जयंत हजारे, धनश्री दिगंबर नागेकर , हर्षिता नामदेव सोनटक्के ,आरुषी संजय कुबडे, श्रुती मधुकर पाटेकर तनुश्री यशवंत अहिरकर या संघातील खेळाडूंनी खेळाचे उत्तम प्रदर्शन करीत राज्यस्तरावर झेप घेत आपल्या कनिष्ठ महाविद्यालयाच्या शिरपेचात मानाचा तुरा रोवला. दरवर्षी लोकमान्य विद्यालय व कनिष्ठ महाविद्यालयाचा संघ व्हॉलीबॉल क्रीडा प्रकारात राज्यस्तरावर शाळेचे नेतृत्व करीत असतो. याही वर्षी विद्यार्थ्यांनी ही यशाची परंपरा कायम ठेवत स्वतःचा व शाळेचा नावलौकिक कायम राखला आहे.
औरंगाबाद येथे नुकत्याच पार पडलेल्या राज्यस्तरीय तायकांदो स्पर्धेत लोकमान्य कनिष्ठ महाविद्यालयाची विद्यार्थिनी संजना रॉय हीने आपल्या खेळ कौशल्याचे उत्तम प्रदर्शन करून आठ विभागातून दमदार कामगिरी करून राज्यस्तरीय तायकांदो स्पर्धेत तिसरे स्थान प्राप्त करीत कांस्यपदक ( ब्राॅंझ मेडल ) प्राप्त केले. या सर्व खेळाडूंचे , पालकांचे व त्यांच्या मार्गदर्शकांचे संस्थेचे अध्यक्ष श्रीकांत पाटील ,उपाध्यक्ष विकास घुडे, सचिव विश्वनाथ जोशी , दुष्यंत देशपांडे, संचालक डॉ ब्रह्मदत्त पांडे , डॉ अनिल डोंगरे, सुनील बांगडे, डॉ प्रशांत खुळे, मार्गदर्शक गणेश मुसळे, अनिल घुबडे, दुष्यंत लांडगे , ईश्वर डाबेराव, वरोरा स्पोर्ट्स फाउंडेशनचे अध्यक्ष गजानन जीवतोडे , प्राचार्य राहूल राखे, उप- प्राचार्य दीपक नवले यासह सर्व शिक्षक- शिक्षिका व कर्मचारी वृंद यांनी खेळाडूंचे अभिनंदन केले आहे.🙏 जय विदर्भ🙏

RELATED ARTICLESMORE FROM AUTHOR

🛑🙏देवतळेंवर विश्वास जुना, विकासात वेग पुन्हा! भद्रावती तालुक्यासाठी ९६ लाखांचा निधी मंजूर🙏🛑

वराेरा नगरपरिषदेत ‘विषय क्र. २६’ वरून रणकंदन; भाजप गटनेते अक्षय भिवदरे आक्रमक!

चंद्रपूर पोलिसांनी अत्यंत कौशल्याने उत्तर प्रदेशात जाऊन फरार आरोपीला पकडून कायद्याच्या चौकटीत आणले आहे.

RELATED ARTICLES MORE FROM AUTHOR